Pra aryšty paviedamili SBU i Ofis hienprakurora Ukrainy. Pavodle źviestak «Ukrainskaj praŭdy», spravu rasśledujuć u dačynieńni da byłoha hiendyrektara «Antonava» Siarhieja Byčkova, jahonaha namieśnika Michaiła Charčanki i načalnika padraździaleńnia avijacyjnaj biaśpieki Alaksandra Niatesava. Apošni, piša «UP», vyjechaŭ z Ukrainy. Usim padazravanym pahražaje da 15 hadoŭ pazbaŭleńnia voli.
U SBU ličać, što ŭ studzieni-lutym 2022 hoda čynoŭniki nie dali vajskoŭcam arhanizavać abaronu aeradroma ŭ Hastomieli, dzie znachodziŭsia samalot AN-225 «Mrija». Praź dziejańni kiraŭnictva «Antonava», miarkuje śledstva, rasijskija siły zmahli časova zachapić aeradrom, navakolnyja nasielenyja punkty i źniščyć «Mriju».
«My viadziom abjektyŭnaje rasśledavańnie hetaj spravy. Tyja, chto faktyčna dapamoh vorahu źniščyć adzin ź simvałaŭ Ukrainy, pavinny panieści zasłužanaje pakarańnie. I SBU zrobić dla hetaha ŭsio nieabchodnaje. A novy samalot naša dziaržava abaviazkova pabuduje, tamu što «Mriju», jak i Ukrainu, niemahčyma razburyć», — skazaŭ kiraŭnik SBU Vasil Maluk.
-
Vučyč pryvioŭ u prykład biełaruskuju roŭnaść rehijonaŭ i pastaviŭ Barysaŭ u adzin šerah ź Minskam
-
Ukraina stvoryć Nacyjanalny panteon u Kijeva-Piačerskaj łaŭry. Čym jon budzie adroźnivacca ad aficyjoznaha panteona ŭ Biełarusi?
-
U Tehieranie prachodzić raźvitańnie z Ali Chamieniei: Miadźviedzieŭ pahražaje błakadaj pralivaŭ, a novy lidar Irana chavajecca ŭ bunkiery
Ciapier čytajuć
35‑hadovy dalnabojščyk ź Biełarusi raptoŭna pamior u Kitai. Heta muž samaj tytułavanaj biełaruskaj dziudaistki11
Kamientary