Biełaruskija lashasy buduć handlavać hatovymi draŭlanymi zrubami
U Ministerstvie lasnoj haspadarki Biełarusi abviaścili, što jany płanujuć raźvivać u krainie draŭlanaje domabudavańnie i sami biarucca rabić dy pradavać hatovyja zruby. Nazvany i prykładny košt takoj chaty: praŭda, jana nie ŭličvaje košt dachu, voknaŭ i dźviarej.
Handlovuju placoŭku Minlashasa pad nazvaj «Lasnaja chatka» na Łahojskim trakcie ŭ Minsku 16 sakavika 2023 hoda naviedaŭ premjer-ministr Raman Hałoŭčanka. Jon aznajomiŭsia z uzorami vystaŭlenych tut žyłych draŭlanych damoŭ, jakija składajucca sa zruba i drabiostu pad dach.
«Chočam adradzić draŭlanaje dojlidstva. Siońnia kožnaja vobłaść pradstaviła svoj varyjant zrubaŭ», — paviedamiŭ pry hetaj nahodzie ministr lasnoj haspadarki Alaksandr Kulik.
Pavodle słoŭ Kulika, zrub doma na handlovaj placoŭcy budzie kaštavać ad 55 da 100 tysiač rubloŭ. Pry hetym «dom pad kluč» stavicca na hatovy padmurak. «Heta vokny, dźviery, dach, zastajecca tolki adździełka. Ludzi ŭžo telefanujuć i cikaviacca», — skazaŭ jon.
Praŭda, padčas prezientacyi chat Hałoŭčanku pakazali tolki zruby z krokvami i belkami, ale biez dachavaha pakryćcia. Dla taho, kab zdavać damy «pad kluč», lashasam treba naładžvać supracoŭnictva z pradstaŭnikami sumiežnych halin.
Alaksandr Kulik paviedamiŭ, što ciapier u Biełarusi pracuje vosiem firmiennych kram Minlashasa. U najbližejšyja dva tydni takaja placoŭka adkryjecca ŭ Smalavičach, a da 1 lipienia 2023 abiacanaje adkryćcio jašče siami punktaŭ, uklučajučy placoŭki ŭ Lidzie, Pinsku, Oršy, Babrujsku i Połacku.
Ciapier čytajuć
Vaziŭ nataŭcaŭ u Afhanistan i skidvaŭ humanitarku ŭ Sudanie, a potym trapiŭ u turmu pa danosie siabra z Ukrainy3
Kamientary