Kiraŭnik BRSM pachvaliŭ HUBAZiK za prynižalnyja videa i skazaŭ, što hatovy razhladać zvaroty achvotnych viarnucca
Pra heta Alaksandr Łukjanaŭ zajaviŭ na BT. «My tolki rady budziem dapamahčy viarnucca, raskajacca i pryŭnieści svoj układ u raźvićcio našaj krainy», — zajaviŭ jon.

Viadučaja prahramy zapytałasia ŭ Łukjanava, ci hatovy BRSM dapamahčy maładym ludziam, jakich «baćki prymušali ŭdzielničać u niesankcyjanavanych masavych mierapryjemstvach abo siłkom vyvieźli z krainy».
«My pracujem z usioj moładździu, u tym liku z katehoryjaj, jakaja spatyknułasia. Pamyłku moža ździejśnić kožny, pamyłka — heta adzin raz, dva razy — sistema. Tamu naša zadača — nie dać maładomu čałavieku druhi raz spatyknucca, pakazać maładym ludziam, dzie nasamreč kryjecca patencyjał dla ich ułasnaha raźvićcia i ŭmacavańnia našaj dziaržavy.
Kali da nas buduć pastupać takija zvaroty, my zrobim usio nieabchodnaje, kab maładyja ludzi mahli viarnucca i sacyjalizavacca. U nas pracuje anłajn-pryjomnaja, i tudy takija pytańni ŭžo pastupali, kudy źviarnucca, što nieabchodna zrabić. Pytańni prykładnoha charaktaru. <…> Kali łaska, źviartajciesia. My tolki rady budziem dapamahčy viarnucca, raskajacca i pryŭnieści svoj układ u raźvićcio našaj krainy», — kaža jon.
Taksama Łukjanaŭ skazaŭ, što ŭ ludziej, jakija chočuć viarnucca ŭ Biełaruś, «pavinien być elemient raskajańnia», i pachvaliŭ u hetym sensie HUBAZiK.
«Moža być, nie ŭ žyvym efiry, ale taki zapis pavinien być u pravaachoŭnych orhanach, — kaža jon. — Kab čałaviek pryjechaŭ, paćvierdziŭ, što jon uśviadomiŭ, što, mahčyma, im manipulavali ŭ 2020-m ci nastupnym pieryjadzie, parušaŭ asnovy kanstytucyjnaha ładu. Niachaj jano nie budzie apubličanaje, ale kali čałaviek spatykniecca ŭ druhi raz, to jaho možna pradstavić, jak u nas paśpiachova heta robić HUBAZiK».
Čytajcie taksama:
U połackim Safijskim sabory prymali ŭ BRSM — FOTA
«Važna, kab praces byŭ zapuščany». Viačorka pra vydaču ordara na aryšt Łukašenki
-
Znojdzieny pad Viciebskam bivień mamanta mahło prynieści tudy tałymi vodami
-
«Takija vypadki vielmi redkija». Pradpryjemstva adkazała biełaruscy, jakaja znajšła ŭ marožanym kavałak mietału
-
Homielski hubiernatar pachvaliŭsia, što sioleta ŭ rehijonie stała bolš pieršakłaśnikaŭ. Ale letašnija ličby hetamu piarečać
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona

Kamientary