Ukrainskaje MZS zaklikała biełarusaŭ nie dapuścić raźmiaščeńnia rasijskaj jadziernaj zbroi
Aficyjnaja pazicyja MZS Ukrainy z nahody zajavy Pucina adnosna namieraŭ zbudavać schovišča dla rasijskaj jadziernaj zbroi na terytoryi Biełarusi, vykładziena na sajcie viedamstva.
«Apošnija zajavy RF adnosna namieraŭ raźmiaścić na terytoryi Biełarusi taktyčnuju jadziernuju zbroju źjaŭlajucca čarhovym pravakacyjnym krokam złačynnaha pucinskaha režymu, jaki padryvaje pryncypy Damovy ab nieraspaŭsiudžvańni jadziernaj zbroi, architekturu jadziernaha razzbrajeńnia i sistemu mižnarodnaj biaśpieki ŭ cełym», — havorycca ŭ zajavie.
U zvarocie akcentujecca, što dziejańni Kramla nie mohuć nie vyklikać zaniepakojenaść, bo ŭžo bolš za hod praciahvajecca vajna i pakul Rasija demanstruje svaju niazdolnaść pieramahać na poli boju.
«Ukraina źviartajecca da biełaruskaha hramadstva z zaklikam nie dapuścić realizacyi złačynnych namieraŭ pa raźmiaščeńni na terytoryi Biełarusi jadziernaj zbroi nasupierak jaje abaviazacielstvam pa Damovie ab nieraspaŭsiudžvańni jadziernaj zbroi, što jašče bolš pieratvoryć hetuju krainu ŭ zakładnika Kramla i budzie mieć katastrafičnyja nastupstvy dla jaje budučyni.
Źviartajemsia da dziaržaŭ «Hrupy siami» i Jeŭrapiejskaha sajuza papiaredzić biełaruskija ŭłady ab dalokich nastupstvach dla Biełarusi ŭ vypadku jaje zhody raźmiaścić na svajoj terytoryi taktyčnuju jadziernuju zbroju Rasii», — pryvodzicca ŭ zajavie.
Ukraina čakaje efiektyŭnych dziejańniaŭ pa supraćdziejańni jadziernamu hruzu Kramla z boku Vialikabrytanii, Kitaja, ZŠA i Francyi, u tym liku i jak pastajannych členaŭ Rady Biaśpieki AAN, jakija niasuć asablivuju adkaznaść za niedapuščeńnie pahroz ahresii z vykarystańniem jadziernaj zbroi. U zajavie havorycca pra patrebu nieadkładna sklikać z hetaj metaj pazačarhovaje pasiadžeńnie Rady Biaśpieki AAN.
Ciapier čytajuć
Stała viadoma pra śmierć 41-hadovaha byłoha palitviaźnia z Hrodna Alaksieja Aŭsiukieviča3
Kamientary