Nielehalnyja mihranty sprabavali trapić u Litvu ź Biełarusi praz vadaściokavuju trubu
Dvoje nielehalnych mihrantaŭ sprabavali trapić ź Biełarusi ŭ Litvu praz trubu pad vodaprapusknym zbudavańniem. Adnak, ubačyŭšy ŭ kancy truby tryvałuju mietaličnuju bramu i pačuŭšy nabližeńnie pamiežnikaŭ, jany viarnulisia ŭ Biełaruś, paviedamlaje Słužba achovy dziaržaŭnaj miažy Litvy.
20 kastryčnika ŭ pieršaj pałovie dnia supracoŭniki Kabialskaj pamiežnaj zastavy Aranskaha pamiežnaha atrada zaŭvažyli praź sistemu videanazirańnia dvuch čałaviek, jakija nabližalisia ź biełaruskaha boku. U hetym miescy ŭstalavanaja fizičnaja zaharoda dla praduchileńnia nielehalnaj mihracyi ź Biełarusi — achoŭnaja aharodža z rułonami kancerciny.
Mierkavanyja parušalniki padyšli da truby, praź jakuju ź Biełarusi ciače ručaj. Trubu prakłali ŭ hetym miescy, kab vada nie razmyvała nasyp, na jakim prachodzić patrulnaja darožka pamiežnikaŭ i ŭstalavanaja fizičnaja zaharoda.
Truba na litoŭskim baku pačynajecca prykładna za mietr ad terytoryi Biełarusi i maje dyjamietr kala 2,8 mietra. Na jaje vychadzie ŭ Litvu pastavili tryvałuju mietaličnuju bramu z zamkom. Jana nie dazvalaje parušalnikam bieśpieraškodna vybracca z truby na litoŭskuju terytoryju.
Mihranty pierajšli ručaj i zaleźli ŭ trubu. Pry sabie jany mieli nažnicy dla rezańnia mietału i, jak miarkujecca, źbiralisia pierarezać imi bramu. Pamiežniki Kabialskaj zastavy adrazu pieradali infarmacyju pra zaŭvažanych parušalnikaŭ najbližejšym patrulnym ekipažam.
U trubie mužčyny prabyli krychu bolš za chvilinu. Mahčyma, ubačyŭšy tryvałuju bramu, jany zrazumieli, što nie zmohuć pierarezać jaje svaimi nažnicami. Akramia taho, miarkujecca, što jany pačuli nabližeńnie pazadarožnikaŭ litoŭskaj pamiežnaj słužby.
Vybraŭšysia z truby, mužčyny pajšli nazad u Biełaruś. Da taho času na nasyp nad truboj užo prybyli patruli Kabialskaj i susiedniaj Druskienickaj pamiežnych zastaŭ.
Pamiežniki ahledzieli varoty, a dla pravierki navakolnaj terytoryi padniali słužbovy dron. Inšych parušeńniaŭ nie vyjavili.
Sioleta litoŭskija pamiežniki nie dazvolili 1695 nielehalnym mihrantam ź Biełarusi trapić u krainu ŭ niedazvolenych miescach.
Łatvija padoŭžyła apieracyju pa baraćbie ź nielehalnaj mihracyjaj na miažy ź Biełaruśsiu
Uzbrojenyja ludzi ŭ maskach siłkom hnali mihrantaŭ ź Biełarusi ŭ Łatviju, pierasiekli miažu i skrali kamiery
Na miažy byŭ paranieny litoŭski pamiežnik, mihranty sprabavali zaciahnuć jaho ŭ Biełaruś
U Łatvii znajšli pieršy ŭ krainie tunel dla nielehalnych mihrantaŭ ź Biełarusi
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju3
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski44
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski4
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary