Kultura

Žonka Bialackaha: «Aleś varty Biełarusi». U Vilni prezientavali knihi pra jaho

U Polščy i Litvie praciahvajucca tydni salidarnaści z Alesiem Bialackim. Adno z prymierkavanych mierapryjemstvaŭ — prezientacyja knih pra nobieleŭskaha łaŭreata, što adbyłasia 28 sakavika ŭ vilenskim Centry biełaruskaj kultury i supolnaści.

Knihi prezientavali kiraŭnica Biełaruskaha PENa Taćciana Niadbaj, žonka Bialackaha Natalla Pinčuk i žurnalist Valeryj Kalinoŭski

Prezientavali, pierš za ŭsio, knihu vybranych tekstaŭ Alesia Bialackaha, sabranuju namahańniami Biełaruskaha PENa, a taksama knihu «Aleś Bialacki na Svabodzie», vypuščanuju «Radyjo Svaboda», u jakoj sabrany vykazvańni, intervju i acenki viasnoŭca.

Imprezu naviedali žonka Bialackaha Natalla Pinčuk, a taksama Taćciana Niadbaj, adna sa składalnic pieršaj z knih i kiraŭnica Biełaruskaha PENa, siabry i kalehi Alesia. Prahučaŭ hołas i samoha Bialackaha, praŭda, u videazapisie, zroblenym za niekalki miesiacaŭ da aryštu. Voś niekalki słoŭ z toj pramovy:

«I my nie čakali taho maštabu represij, jaki abrynuŭsia na biełaruskuju hramadzianskuju supolnaść u žniŭni 2020 hoda i praciahvajecca da siońnia. Zabojstvy, sotni paranienych, tysiačy ludziej, jakija prajšli praz katavańni i ździeki. Łukašenka i jaho atačeńnie praihnaravali spraviadlivaje patrabavańnie miljonaŭ biełarusaŭ ab praviadzieńni sumlennych vybaraŭ, pakarańni vinavatych u złačynstvach suprać čałaviečnaści i ab vyzvaleńni palityčnych źniavolenych. U krainie pravavy defołt i faktyčna nieabvieščanaje vajennaje stanovišča».

Natalla Pinčuk adkazała na niekalki pytańniaŭ z zały. Badaj, samaje važnaje ź ich hučała tak: «Ci dastojnaja Biełaruś Alesia Bialackaha? Takoje adčuvańnie, što jość nievialičkaja hrupa tych, kamu treba, a jość usie astatnija, kamu plavać». Voś što adkazała Natalla:

«Mabyć, varta heta ŭsio pamianiać miescami. Dumaju, Aleś varty Biełarusi, bo Biełaruś — toje, za što varta zmahacca ŭsimi siłami, usimi srodkami i chto jak moža. I tolki voś hetymi dziejańniami my možam niešta zrabić.

Davajcie pry ŭsim pry tym staracca bolš sa spahadaj stavicca da inšych, na naš pohlad, moža, nie zusim takich važnych i losavyznačalnych padziej ci mierapryjemstvaŭ, jakija arhanizujucca. Usie my ludzi, i kožny ŭsio robić jak umieje, i ŭmiejuć ludzi vielmi pa-roznamu. Hałoŭnaje, kab my pracavali i kab my išli ŭ adnym kirunku».

Movaznaŭca Vincuk Viačorka zhadaŭ adnu historyju pra Bialackaha. Pavodle Viačorki, u Mirskim zamku kala pravaj frantalnaj viežy zakapana prysiaha, jakuju daŭ Aleś Bialacki sorak hadoŭ tamu:

«Jon prysiahnuŭ usio žyćcio zmahacca za niezaležnaść Biełarusi suprać savieckaj impieryi i baraćbu hetuju pieradać dzieciam i ŭnukam. Niahledziačy na ŭsie restaŭracyjnyja pracy ŭ Mirskim zamku i raskopki, jakija tam byli, butelka taja z prysiahaj zastałasia na svaim miescy. Upeŭnieny, što jana takim iracyjanalnym čynam taksama dapamahaje jamu vystajać».

Movaznaŭca Vincuk Viačorka

Havaryli i pra toje, ci nie zmoža Aleś stać pieršym prezidentam novaj Biełarusi, bo čałaviek jon sumlenny i aŭtarytetny. Vidać, razam z tajamničaj prysiahaj hetaje sumleńnie i maralny stryžań — jakraz tyja rečy, što dapamahajuć biełaruskamu nobieleŭcu zachavać siabie ŭ viaźnicy. I tyja, što zrabili jaho lehiendaj.

«Naša Niva» — bastyjon biełaruščyny

PADTRYMAĆ

«Heta maralny aŭtarytet». Milinkievič raskazaŭ, chto pavinien być prezidentam krainy ŭ pierachodny pieryjad. I nazvaŭ imia

«Biez nacyjanalnaha prymireńnia nam nie zachavać niezaležnaści Biełarusi». Iosif Siaredzič vystupiŭ sa śmiełym adkrytym listom

Knihu pra Alesia Bialackaha možna kupić na Allegro

Kamientary

Ciapier čytajuć

Piać hadoŭ tamu «dydžei pieramien» uklučyli Coja na dziaržaŭnym mierapryjemstvie. Što ź imi ciapier?

Piać hadoŭ tamu «dydžei pieramien» uklučyli Coja na dziaržaŭnym mierapryjemstvie. Što ź imi ciapier?

Usie naviny →
Usie naviny

Viačorka: Nie viedaju, što Kraŭcoŭ umieje rabić rukami, na praktycy. Vielmi šmat błaznavańnia39

Biełaruski muzyka ŭziaŭ udzieł u fiestyvali «Taŭryda.Art» u akupavanym Krymie3

Hrozieŭ raskazaŭ, jak ahienty rasijskich śpiecsłužbaŭ pranikali ŭ jaho dom i jak dačka źniała adnaho ź ich2

U Žłobinie likvidujuć znakamituju fabryku, dzie robiać štučnaje futra1

«Paspalitaje rušeńnie» Siarhieja Bulby zharnuła dziejnaść11

«Dziaruć kurej i husiej». Viosku ŭ Kleckim rajonie teraryzujuć sabaki, ale ŽKH kaža, što jany zanadta chitryja4

Imhniennaj pavodkaj zmyła kurortnuju viosku Dcharali ŭ Indyi VIDEA

«Ź ludziej uziali raśpiski, kab usie maŭčali». Nieviadomy bieśpiłotnik upaŭ u noč na paniadziełak u Rečycy9

Na Miency ŭpieršyniu znajšli liciejnuju formu dla juvielirnych upryhažeńniaŭ. Heta źmianiaje ŭjaŭleńnie pra žyćcio letapisnaha Mienska7

bolš čytanych navin
bolš łajkanych navin

Piać hadoŭ tamu «dydžei pieramien» uklučyli Coja na dziaržaŭnym mierapryjemstvie. Što ź imi ciapier?

Piać hadoŭ tamu «dydžei pieramien» uklučyli Coja na dziaržaŭnym mierapryjemstvie. Što ź imi ciapier?

Hałoŭnaje
Usie naviny →

Zaŭvaha:

 

 

 

 

Zakryć Paviedamić