14 lutaha ŭ Varšavie padčas Mižnarodnaha paetyčnaha fiestyvalu «Vieršy na asfalcie» pamiaci Michasia Stralcova projdzie prezientacyja novaha paetyčnaha zbornika Valanciny Aksak «Viačera z čužym kachankam» (vydaviectva «Kamunikat»), piša bellit.info.
«Novaja kniha Valanciny Aksak u kahości z čytačoŭ vykliča žadańnie padkinuć palenca ŭ vohnišča pad aŭtarkaju. Abo źviarnucca da słavutaha połackaha kata Baltazara, kab navastryŭ siakieru. Čytačy ź inkvizicyi tak by i zrabili. Paetku, jakaja ŭjaviła siabie na kaleniach u Chrysta, u našyja dni zakon dazvalaje pakinuć žyvoj. Spalić možna jaje tvory, što vychodziać za miežy cnoty, bo aŭtarka viačeraje i nie tolki, z čužym kachankam. I ŭsio ž dziela spraviadlivaha vyraku varta pračytać napisanaje miž radkami hetaje knihi», — havorycca ŭ apisańni da vydańnia
- Miesca: Varšava, Muziej Volnaj Biełarusi, ul. Foksal. 11
- Čas sustrečy z aŭtarkaj: 15:10
Mižnarodny paetyčny fiestyval «Vieršy na asfalcie» pamiaci Michasia Stralcova projdzie 13—15 lutaha ŭ pamiaškańni varšaŭskaha Muzieja Volnaj Biełarusi (ul. Foksal, 11).
Siarod inšaha — cyrymonija abviaščeńnia łaŭreata Litaraturnaj premii Michasia Stralcova, dyskusii, prezientacyi biełaruskaj paezii 2025 hodu, sustrečy ź litaratarami Padlašša, zamiežnymi kalehami-paetami z Hiermanii, Narviehii, Polščy i Ukrainy, viečaryna vypusknikoŭ Škoły maładoha piśmieńnika i tradycyjnaja «Noč paezii».
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary