KDK apałčyŭsia na mabilnych apierataraŭ za sproby pavysić ceny na pasłuhi
Kamitet dziaržaŭnaha kantrolu aburyŭsia, što «na fonie stabilnaha finansavaha stanovišča i naroščvańnia prybytkaŭ apieratarami mabilnaj suviazi robiacca sproby pavyšeńnia koštu pasłuh», piša BiełTA.
KDK źviarnuŭ uvahu i na toje, što ŭ pačatku hoda apieratary zrabili sprobu pavysić košt pasłuh praź ich vyłučeńnie ŭ jakaści dadatkovych z abanienckaj płaty, i na toje, što ŭ sakaviku jany znoŭ anansavali rost cen na dadatkovyja i servisnyja pasłuhi. Umiašańnie kantraloraŭ prymusiła mabilnych apierataraŭ admovicca ad hetych płanaŭ.
Taryfy mabilnych apierataraŭ na hety momant nie ŭvachodziać u pieralik tych cen, jakija rehulucca dziaržavaj, i KDK ciapier rupicca ab tym, kab ich tudy ŭklučyli. Kali heta zdarycca, to apieratary buduć vymušanyja na kožnaje pavyšeńnie prasić dazvołu źvierchu.
Ale nie fakt, što hetym prablemy apierataraŭ abmiažujucca. Jak paviedamlaje KDK: «Z udziełam zacikaŭlenych viedamstvaŭ budzie pradmietna vyvučana dziejnaść apierataraŭ sotavaj suviazi pa pytańniach vykanańnia padatkovaha i cenavaha zakanadaŭstva, jakaści pasłuh, što jany akazvajuć, paŭnaty vykanańnia abaviazacielstvaŭ pierad spažyŭcami i dziaržavaj».
Na dźvie pravierki — try kryminalnyja spravy. KDK pryvioŭ ličby «efiektyŭnaści» svajoj pracy
Dziaržkantrol prybraŭ z palic kramy ŭ Homieli praterminavanuju pradukcyju — palicy zastalisia pustymi FOTA
Biełarusam pry kuplańni stali čaściej naviazvać dadatkovyja pasłuhi
Dziaržkantrol prypyniŭ pracu minskaj sietki kram nizkich cen
Kamientary