Na dźvie pravierki — try kryminalnyja spravy. KDK pryvioŭ ličby «efiektyŭnaści» svajoj pracy
Kolkaść pravierak kantralujučymi i nahladnymi orhanami ŭ minułym hodzie skaraciłasia, ale «biez škody dla jakaści kantrolu». Pra heta paviedamiŭ staršynia Kamiteta dziaržaŭnaha kantrolu Vasil Hierasimaŭ na sumiesnym pasiadžeńni Pałaty pradstaŭnikoŭ i Savieta Respubliki, pieradaje BiełTA.
Pa słovach Hierasimava, u 2022 hodzie ŭsimi kantralujučymi orhanami praviedziena pravierak na čverć mienš, čym u 2021-m. Ale «biez škody dla jakaści kantrolu». Što heta značyć, jon nie patłumačyŭ.
Hierasimaŭ raspavioŭ, što orhanami KDK u 2022 hodzie praviedziena 454 pravierki. Heta kala 5% ad usich pravierak, praviedzienych kantralujučymi (nahladnymi) orhanami krainy.
Pa vynikach pravierak KDK za 2022 hod zaviedziena 653 kryminalnyja spravy, to-bok na adnu pravierku prychodzicca 1,5 «kryminałki».
Pa vynikach pravierak atrymana ŭ dachod dziaržavy hrašovych srodkaŭ i materyjalnych kaštoŭnaściej na 575 młn rubloŭ, to-bok u siarednim bolš za miljon rubloŭ pa vynikach kožnaj pravierki.
Taksama Hierasimaŭ skazaŭ, što ŭ 2022 hodzie pa materyjałach kamiteta zaviedziena 11 kryminalnych spraŭ, źviazanych ź finansavańniem ekstremisckich farmiravańniaŭ i terarystyčnych arhanizacyj, a taksama ŭdziełam hramadzian Respubliki Biełaruś va ŭzbrojenym kanflikcie na baku Uzbrojenych sił Ukrainy.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1414
Kamientary