Va Ukrainie pachavali biełarusa-dobraachvotnika Daniłu Lašuka «Madžachieda»
U bajach za Ukrainu pad Bachmutam zahinuŭ biełaruski dobraachvotnik Daniła Lašuk. Jon mieŭ pazyŭny «Madžachied», byŭ musulmaninam i mieŭ kryminalnaje minułaje. Siońnia źjaviłasia paviedamleńnie pra jaho pachavańnie.
Pra śmierć Daniły Lašuka jašče ŭ subotu paviedamili na jaho staroncy ŭ telehramie. U relihijnaj arhanizacyi «Isłam va Ukrainie» raspaviali, što vajskoviec byŭ śmiarotna paranieny pad Bachmutam.
Daniił Lašuk — hramadzianin Biełarusi, rodam ź Bieraścia, jon pryjechaŭ va Ukrainu na pačatku rasijskaj ahresii ŭ 2014 hodzie i ŭstupiŭ u novasfarmavany tady bataljon «Tarnada». Praŭda, reputacyja ŭ jaho, jak i ŭvohule ŭ hetaha padraździaleńnia, była nie nadta dobraja.
U 2015 hodzie Hienieralnaja prakuratura Ukrainy ŭstanaviła, što bajcy «Tarnada» ŭ Łuhanskaj vobłaści vykradali ludziej, hvałtavali, zabivali, a taksama maradziorstvavali. Rotu rasfarmavali, a 12 čałaviek, u tym liku i Lašuk, byli asudžanyja. U krasaviku 2017-ha biełarus byŭ asudžany da 10 hadoŭ turmy, ale vyjšaŭ na volu daterminova ŭ 2021-m.
U sakaviku 2022 hoda, paśla pačatku poŭnamaštabnaha ŭvarvańnia Rasii, Daniił Lašuk «Madžachied» znoŭ trapiŭ na front. Da svajoj hibieli bajec paśpieŭ atrymać ranieńnie, kali dastaŭlaŭ u svajo padraździaleńnie zachoplenaha ŭ pałon rasijskaha vajskoŭca.
Heta ŭžo 20-y biełarus, jaki zahinuŭ, vajujučy na ŭkrainskim baku.
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž26
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»44
Kamientary