Mieniedžarka, vidavočna, prachodzić pa spravie Hajuna.
Alenie Varoninaj 38 hadoŭ. Jana z Kobryna, vychoŭvaje 13‑hadovaje dzicia.
Pavodle reziume na partale pošuku pracy, Alena maje 6‑hadovy dośvied i pracuje mieniedžaram pa pracy z klijentami i prodažach.
Alenu Varoninu asudzili ŭ Bresckim abłasnym sudzie pavodle častki 1 artykuła 361‑4 Kryminalnaha kodeksa — sadziejničańnie ekstremisckaj dziejnaści. Joj prysudzili chatniuju chimiju.
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj uładu, a zmusiŭ jaje vyjechać za miažu. Heta vyklikała masavyja narodnyja pratesty, u jakich udzielničali miljony ludziej. U adkaz na heta ŭłady raspačali aryšty.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 9594 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy) začapili kala 500 tysiač biełarusaŭ. Niekalki socień tysiač ludziej vymušanyja byli pakinuć krainu.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ ci prajavy salidarnaści z Ukrainaj.
Šmatlikija kryminalnyja spravy apošniaha času pa artykule ab «sadziejničańni ekstremizmu» byli źviazanyja sa «spravaj Hajuna».
«Biełaruski Hajun» — manitorynhavy OSINT-prajekt, jaki byŭ stvorany ŭ 2022 hodzie, kali Rasija praź Biełaruś napała na Ukrainu. Prajekt adsočvaŭ vajennuju aktyŭnaść rasijskich i biełaruskich vojskaŭ, abapirajučysia na infarmacyju ad biełarusaŭ. Kaardynavała jaho dziejnaść hrupa aktyvistaŭ na čale z Antonam Matolkam.
«Sprava Hajuna» pačałasia paśla taho, jak siłaviki zatrymali aktyvistku, jakaja niekalki hadoŭ žyła ŭ Biełarusi ŭ padpolli. U jaje mabilniku znajšli spasyłku na dałučeńnie ŭ bot Hajuna, jakuju joj dasyłali ŭ samym pačatku isnavańnia prajekta. Fatalnaja pamyłka była ŭ tym, što spasyłka była biesterminovaja. A tamu siłaviki zmahli padklučycca da bota i vypampavać adtul usiu infarmacyju. Jany atrymali paviedamleńni akaŭntaŭ, jakija pisali ŭ bot, a taksama ichnija ID i imiony karystalnikaŭ.
«Naša Niva» — bastyjon biełaruščyny
PADTRYMAĆŠmatdzietnuju maci z-pad Minska, jakaja ładziła dziciačyja śviaty, asudzili za palityku
Žanna z Mazyra pracavała ŭ Poznani, ale viarnułasia ŭ Biełaruś. I jaje kinuli ŭ SIZA za palityku
Asudzili dziaŭčynu, jakaja ŭ 2020‑m pratestavała suprać «vybaraŭ biez vybaru» i patrabavała ad kandydataŭ pazicyi pa Ukrainie
Ciapier čytajuć
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju6
Kamientary
NN, spyniajcie, kali łaska, psieŭdahistaryčnyja daviedki takoha kštałtu. Vybaraŭ u Biełarusi niama sama poźniaje z 1996 hoda. Na mierapryjemstvach pa pieranaznačeńni Łukašenki jakija pravodziacca pad vyhladam "vybaraŭ", Łukašenka nie moža prajhrać u pryncypie. Padobnymi zajavami vy vykazvajecie niepavahu inšym kandydatam, jakija chacieli ŭdzielničać, ale byli aryštavanyja i praviali hady ŭ turmie - tak i tym, chto nie ŭdzielničaŭ u farsie pryncypova, hruntujučysia na raniejšym dośviedzie (2001, 2006, 2010).
Čarhovaje złačynstva suprać čałaviectva jakoje nie maje terminu daŭniny.