Pad kaniec hoda na ŭschodzie Minska pačnuć budavać novy bujny žyły rajon
U Minsku praciahvajecca padrychtoŭka da realizacyi adnaho z najbujniejšych horadabudaŭničych prajektaŭ apošnich hadoŭ — budaŭnictva novaha žyłoha rajona Zialony Bor. Pačać uźviadzieńnie pieršych abjektaŭ płanujuć naprykancy 2026 hoda, a da 2030‑ha tut majuć namier pabudavać kala 952 tysiač kvadratnych mietraŭ žylla, raźličanaha prykładna na 36,5 tysiačy žycharoŭ, paviedamlaje ahienctva «Minsk-Naviny».
Novy rajon raźmieścicca na ŭschodniaj uskrainie stalicy, pablizu Kałodziščaŭ i ŭ napramku Nacyjanalnaha aeraporta Minsk. Terytoryja płoščaj amal 1,9 tysiačy hiektaraŭ doŭhi čas zastavałasia lasnym masivam, jaki sfarmavaŭsia na miescy byłoha vajskovaha palihona. Bolš za 80% hetaj terytoryi zajmajuć lasy, tamu pry raspracoŭcy prajekta asablivuju ŭvahu nadali zachavańniu pryrodnaha łandšaftu.
Kancepcyja Zialonaha Boru źjaviłasia jašče ŭ pačatku 2010‑ch hadoŭ, kali ŭ Minsku pačali šukać novyja terytoryi dla maštabnaha žyllovaha budaŭnictva. Prajekt nieadnarazova dapracoŭvaŭsia, a jaho realizacyja adkładvałasia z-za nieabchodnaści raźvićcia transpartnaj i inžyniernaj infrastruktury, a taksama paśla hramadskich abmierkavańniaŭ z žycharami susiednich nasielenych punktaŭ.
Rajon stvarajecca jak paŭnavartasnaja haradskaja prastora, dzie žychary zmohuć karystacca ŭsioj nieabchodnaj infrastrukturaj pobač z domam. Tut płanujecca pabudavać čatyry dziciačyja sady, škoły, palikliniki, balnicu, stancyju chutkaj miedycynskaj dapamohi, spartyŭnyja abjekty, handlovyja centry, pažarnaje depo i hramadskija prastory. Prajekt taksama praduhledžvaje stvareńnie parkaŭ, skvieraŭ i bulvaraŭ, jakija dazvolać zachavać zialony charaktar terytoryi.
Asobnaja ŭvaha nadajecca transpartnaj dastupnaści. Zialony Bor złučać ź Minskam novyja mahistrali, a ŭ pierśpiektyvie praduhledžana mahčymaść arhanizacyi chutkasnaha rejkavaha złučeńnia. Dla aŭtamabilaŭ zaprajektavanyja naziemnyja stajanki, šmatuzroŭnievyja haražy i padziemnyja parkinhi, što pavinna zrabić dvary bolš svabodnymi i kamfortnymi.
Raźvićcio rajona budzie adbyvacca paetapna. Na pieršym etapie, da 2030 hoda, płanujecca sfarmavać niekalki žyłych kvartałaŭ. U dalejšym ahulnaja płošča šmatkvaternaha žylla pieravysić 2,9 miljona kvadratnych mietraŭ, a razam z hramadskaj i vytvorčaj zabudovaj ahulnaja płošča ŭsich abjektaŭ składzie bolš za 4 miljony kvadratnych mietraŭ, što zrobić Zialony Bor adnym z najbujniejšych novych rajonaŭ Minska.
«U Hatavie dla ich skłalisia ŭsie ŭmovy». Čamu na adnym dachu pad Minskam žyvie tak šmat čajek?
U Cniancy pad Minskam płanujuć pabudavać novy žyły kvartał
Pusty ŭčastak u pryharadzie Minska pradali za 192 tysiačy dalaraŭ
U Minsku pačali pradavać katedžy ŭ novym zakrytym pasiołku. Dzie jon znachodzicca?
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary