Ministr abarony Ukrainy Alaksiej Reźnikaŭ ličyć, što vajna skončycca ŭ hetym hodzie
«Ja dumaju, heta vajna chutka skončycca. Viadoma, chaciełasia b, kab jana i nie pačynałasia, ale asabista ja vieru ŭ hety hod, jak u hod pieramohi», — zajaviŭ jon u intervju NV.
Pry hetym jon vyklučyŭ mahčymaść padpisańnia mirnych damoŭlenaściej z Rasijaj. «Ukrainski narod na heta nie pojdzie, kali vy pačytajecie ŭsie apošnija sacyjałahičnyja daśledavańni, to ŭsio za pieramohu, za vyzvaleńnie našych terytoryj, nichto nie budzie damaŭlacca… Parłamient Ukrainy adlustroŭvaje mierkavańnie naroda. Tamu ŭsie našy partniory pavinny razumieć: my nie budziem iści na kampramisy», — padkreśliŭ ministr.
Reźnikaŭ zajaviŭ, što Kijeŭ budzie hatovy da pieramoŭ tolki na ŭmovach Ukrainy, heta značyć, paśla vyvadu rasijskich vojskaŭ z nastupnym pahadnieńniem pa reparacyjach i kantrybucyjach.
Ciapier čytajuć
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ16
Kamientary