U Biełarusi ŭnieśli niekatoryja źmieny ŭ apłatu balničnych donaram kryvi ci jaje kampanientaŭ. Zroblena heta pastanovaj Saŭmina ad 10 krasavika 2023 hoda № 237, apublikavanaj na Nacyjanalnym pravavym partale.
U pryvatnaści, u abnoŭlenych normach źjaviŭsia punkt ab tym, što dapamoha donaram kryvi i jaje kampanientaŭ pa časovaj niepracazdolnaści pryznačajecca ŭ pamiery 100 pracentaŭ siaredniadzionnaha zarobku za kalandarnyja dni, zaśviedčanyja listkom niepracazdolnaści, jakaja nastupiła ŭ suviazi z vykanańniem imi donarskaj funkcyi.
Taksama pryviedzieny ŭ adpaviednaść z adkarektavanym raniej Zakonam ab donarstvie kryvi punkt ab tym, što dapamoha pa časovaj niepracazdolnaści pryznačajecca ŭ pamiery 100 pracentaŭ siaredniadzionnaha zarobku za kalandarnyja dni, zaśviedčanyja listkom niepracazdolnaści, tym donaram kryvi i jaje kampanientaŭ, jakija praviali nie mienš za 4 danacyi kryvi i nie mienš za 16 danacyj kampanientaŭ na praciahu 12 miesiacaŭ, jakija papiaredničajuć dniu nastupleńnia časovaj niepracazdolnaści (niezaležna ad pryčyny).
Pry hetym u vypadku zdačy adnym i tym ža donaram i kryvi, i jaje kampanientaŭ 1 danacyja kryvi pryraŭnoŭvajecca da 4 danacyj kampanientaŭ.
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary