Zabrali Daniiła Karankieviča i Safiju Hielfman. Voś što mahło być pryčynaj.
Pavodle pravaabarončaha centra «Viasna», Safija Hielfman była schoplenaja jašče 18 krasavika, a 20-ha jaje pakarali 10 dniami administracyjnaha aryštu. Što stała padstavaj dla jaje źniavoleńnia, nieviadoma.
Pra zatrymańnie 18 krasavika Daniiła Karankieviča pravaabaroncy daviedalisia ź videa siłavikoŭ. Chłopiec kaža, što niby ŭdzielničaŭ u pratestach u 2020 hodzie i byŭ zarehistravany ŭ płanie «Pieramoha». A niadaŭna vyrašyŭ pravieryć, ci jość na jaho kampramietujučaja infarmacyja ŭ fejkavym čat-bocie «Bajpoł». Za heta jaho i aryštavali.
Krynicy, blizkija da studenctva, paviedamlajuć, što maładych ludziej mahli raspaznać pa fota z pratesnych sustreč, jakija ładzilisia ŭ 2020 hodzie la budynkaŭ fakultetaŭ. Heta byli nie mitynhi, a masavy zbor studentaŭ i vykładčykaŭ dla vykazvańnia mierkavańniaŭ abo salidarnaści.
«U nas ciapier zatrymlivajuć mienavita za tyja pratesnyja dziejańni. Zatrymlivajuć ludziej, jakija jość na fota. Ich vyjaŭlaje milicyja ci chtości danosić ab tych, chto na fota», — tłumačać krynicy «Našaj Nivie».
Pavodle Volnaha prafsajuza BDU, histfak — lidar siarod fakultetaŭ Biełarusi pa kolkaści zatrymanych studentaŭ i zaviedzienych na ich kryminalnych dy administracyjnych spraŭ.
Va ŭniviersitecie pieraśledujuć nie tolki studentaŭ, ale i vykładčykaŭ. 4 krasavika stała viadoma pra źniavoleńnie kandydatki navuk i dacentki BDU Aksany Ułanovič. Jaje vinavaciać u tym, što jana niby pisała ŭ čat-bot «Biełarusi hałaŭnoha mozhu».
«Naša Niva» — bastyjon biełaruščyny
PADTRYMAĆHladzicie taksama:
Jak małady kamunist viadzie filijał «Žoŭtych źlivaŭ» dla moładzi i vykładaje ŭ BDUIR
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary
Vaši diktatury Putina i Łukašienko — eto propahanda amoralnoho obraza žiźni. Oni pytajut, nasiłujut i ubivajut ludiej. Oni łhut, narušajut zakony i ihnorirujut prava čiełovieka. A hołovy ich — prielubodiei s vniebračnymi dieťmi.