U Biełarusi źbirajucca ŭvieści abaviazkovyja zorki dla hatelaŭ
Kab haścinica atrymała navat adnu zorku, treba, kab tam byŭ internet i televizar.
U Biełarusi chočuć uvieści abaviazkovuju siertyfikacyju haścinic pa piacizorkavaj sistemie. Ciapier atrymlivać taki status ułaśniki mohuć dobraachvotna.
Pra budučyja źmieny raskazaŭ namieśnik dyrektara Nacyjanalnaha ahienctva pa turyźmie Dzianis Biaško u efiry ANT, piša «Točka».
Dla atrymańnia navat adnoj zorki haścinicy treba budzie adpaviadać bazavym patrabavańniam. Siarod ich — najaŭnaść vady, internetu, televizara i inšych nieabchodnych vyhodaŭ.
Dla častki abjektaŭ heta budzie aznačać patrebu ŭ abnaŭleńni. A tyja, chto nie zmoža zabiaśpiečyć minimalny ŭzrovień, mohuć časova prypynić pracu da likvidacyi niedachopaŭ.
Asobnuju ŭvahu płanujecca ŭdzialić servisu. Piersanał chočuć navučać.
Ciapier u Biełarusi naličvajecca 664 haścinicy. Pryčym numarny fond płanujecca surjozna pašyryć: dziejučaja dziaržprahrama praduhledžvaje jaho pavieličeńnie na 30%. Jana achoplivaje taksama sanatoryi i inšaje.
Pa piacibalnaj škale stan haścinic u rehijonach Dzianis Biaško acaniŭ na try.
«Jość i dobryja abjekty, u tym liku cudoŭnyja apart-hateli ŭ histaryčnych budynkach. Ale jość i šerah haścinic, nad jakimi jašče treba budzie papracavać: adnaŭlać, pieraŭtvarać dla vyhody haściej», — padkreśliŭ jon.
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1111
Kamientary