Pareštki aŭstralijskaha mužčyny, jaki źnik padčas rybałki ź siabrami, znojdzieny ŭ čeravie krakadziła. Kievina Darmodzi apošni raz bačyli ŭ subotu pablizu kiempinha Kennedy Bend, raźmieščanaha ŭ viadomym miescy pražyvańnia marskich krakadziłaŭ, piša Bi-bi-si.
Paśla dvuch dzion pošukaŭ palicyja abiasškodziła dvuch vialikich krakadziłaŭ i ŭnutry adnaho ź ich znajšła čałaviečyja pareštki. Cieła pakul aficyjna nie identyfikavana, ale palicyja ličyć pošuk zavieršanym.
Kievin Darmodzi byŭ dobra znajomy žycharam horada Kiejp-Jork na poŭnačy štata Kvinślend i byŭ viadomym rybałovam.
U paniadziełak palicejskija zastrelili dvuch krakadziłaŭ daŭžynioj 4,1 m i 2,8 m za paŭtara kiłamietra ad taho miesca, dzie apošni raz bačyli źnikłaha mužčynu.
Choć čałaviečyja pareštki znajšli ŭnutry adnoj z reptylij, laśničyja miarkujuć, što ŭ napadzie ŭdzielničali abodva krakadziły.
Siabry Darmodzi nie bačyli sam napad, ale čuli jaho kryki i hučny ploskat.
«Ja kinuŭsia tudy, ale ničoha nie znajšoŭ, akramia jaho šlopancaŭ na bierazie», — raspavioŭ Džon Pejci, siabar Darmodzi, miascovaj haziecie Cape York Weekly.
Krakadziły šyroka raspaŭsiudžanyja ŭ paŭnočnych, trapičnych rehijonach Aŭstralii, ale na ludziej jany napadajuć paraŭnalna redka: Kievin Darmodzi staŭ 13-j ich achviaraj za ŭsiu historyju nazirańniaŭ, jakaja pačałasia ŭ 1985 hodzie.
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary
A ŭvohule, u dzikaj pryrodzie heta narmalna - jeści adno adnaho. Kievin jeŭ ryb, krakadziły źjeli Kievina. U bijacenozie pavinien być bałans. Krakadziły krychu padkarektavali ščylnaść papulacyi kievinaŭ.