Bieśpiłotniki, jakija atakavali Kreml, zaŭvažyli zadoŭha da padlotu da Maskvy, ale nie zreahavali «z-za majskich śviataŭ» — ŚMI
Bieśpiłotniki, jakija atakavali Kreml, zaŭvažyli zadoŭha da padlotu da Maskvy, ale nie zreahavali «z-za majskich śviataŭ». Heta śćviardžaje telehram-kanał Baza sa spasyłkaj na svaje krynicy.
Drony, jakija lacieli na zvyšnizkaj vyšyni, jak paviedamlajecca, zaŭvažyli ŭ Padmaskoŭi miascovyja žychary. Ale ekstrannyja słužby rehijona «nie adpracavali zajaŭki naležnym čynam».
Paśla taho, jak bieśpiłotniki apynulisia ŭnutry Maskoŭskaj kalcavoj, siłaviki stali paviedamlać pra heta svajmu načalstvu — adnak «z-za poźniaha času i majskich śviataŭ naležnaj mamientalnaj reakcyi nie było». Dziakujučy hetamu, dronam udałosia dalacieć da Kramla i atakavać jaho.
Nočču 3 maja, pavodle rasijskaha boku, ukraincy atakavali Kreml dvuma bieśpiłotnikami. U vyniku padzieńnia i raźlotu askiepkaŭ nichto nie paciarpieŭ.
Kreml nazvaŭ ataku teraktam i zamacham na Pucina. Ukrainski bok admaŭlaje svaju datyčnaść da zdareńnia.
Pakul niajasna, sapraŭdy heta była ataka bieśpiłotnikaŭ na Kreml, ci imitacyja napadu, insceniravanaja rasijskimi śpiecsłužbami dla apraŭdańnia ŭdaraŭ pa haradach Ukrainy.
Ciapier čytajuć
Minčuk zabiŭ maci i cieścia, a paśla 15 hadoŭ atrymlivaŭ za ich piensiju1
Kamientary