11‑hadovaja dziaŭčynka vyniesła z domu 45 tysiač rubloŭ, kab «vyratavać» mamu
Dziaŭčynka pavieryła nieznajomcu, jaki nazvaŭsia supracoŭnikam finansavaj milicyi i zajaviŭ, što jaje maci pahražaje kryminalnaja sprava, a hrošy treba terminova pieradać kurjeru.
U pačatku kastryčnika da 49‑hadovaj minčanki pryjšli supracoŭniki milicyi i paviedamili, što jana stała achviaraj padmanu: u jaje skrali 45 tysiač rubloŭ. Sa słoŭ žančyny, jana pravieryła schovišča i vyjaviła, što aščadku niama. U hety momant jaje 11‑hadovaja dačka pryznałasia, što addała hrošy nieznajomcam.
Ź dziciem u miesiendžary źviazaŭsia nieviadomy. Jon nazvaŭsia supracoŭnikam finansavaj milicyi i zajaviŭ, što maci dziaŭčynki padazrajecca va ŭčynieńni złačynstva. Adziny sposab dapamahčy joj — nieadkładna pieradać usie hrošy kurjeru. Školnica vykanała patrabavańni, nie padazrajučy, što addaje hrošy złačyncam.
Kurjeram byŭ 19‑hadovy student, jakoha ašukancy taksama padmanuli. Napiaredadni ź im źviazałasia «supracoŭnica BiełDIE» i paviedamiła, što ad jaho imia dziejničajuć złamyśniki: nibyta jany atrymali dostup da jaho danych, adkryli rachunak i sprabujuć pieravieści hrošy za miažu.
Paśla hetaha da razmovy dałučyŭsia łžesiłavik. Jon papiaredziŭ minčanina, što pa fakcie machlarstva spravu pieradaduć u Śledčy kamitet i, kab dakazać svaju nievinavataść, chłopcu nieabchodna zadekłaravać najaŭnyja ŭ jaho finansy.
Kali vyśvietliłasia, što ŭ studenta niama hrošaj, jamu dali «śpiecyjalnaje zadańnie»: pryjechać pa adrasie, jaki nazavie kuratar, zabrać tam hrošy, paśla čaho adpravicca ŭ Maskvu i pieradać ich čałavieku kala ŭvachoda ŭ mietro, nazvaŭšy kodavaje słova.
Vykanaŭšy patrabavańni, małady čałaviek vyrašyŭ pravieryć infarmacyju ŭ internecie i pračytaŭ, što, chutčej za ŭsio, staŭ udzielnikam ašukanskaj schiemy. Paśla hetaha jon źviarnuŭsia ŭ milicyju.
Ciapier čytajuć
Babaryka, Zołatava i jašče niekalki dziasiatkaŭ byłych palitviaźniaŭ zaklikali jeŭrapiejskich lidaraŭ aktyŭniej damaŭlacca nakont vyzvaleńniaŭ48
Kamientary
V Polšie do 13 let nikakich miesiedžierov
A hdie žie jeŝio! :)))