Dajar ź Jakucii vyjhraŭ u łatareju 10 miljonaŭ rasijskich rubloŭ. Jon ich usie patraciŭ i ciapier źbirajecca na vajnu va Ukrainu
Za pryhodami 54-hadovaha Haŭryła Ciarenćjeva nazirała ŭsia Jakucija, a miascovy pradziusar abjaŭlaŭ, što budzie zdymać pra heta kamiedyjny film, paviedamlaje «Sibirmiedyja».
Pačatak historyi nie pradviaščaŭ bied: u łatarei «Äröhöj» mužčyna vyjhraŭ 10 miljonaŭ rasijskich rubloŭ (kala 130 tysiač dalaraŭ) pad Novy hod, i pierš za ŭsio adździačyŭ školnicy, jakaja vyciahnuła pryzavy numar z barabana padčas rozyhryšu — padaryŭ joj noŭtbuk i nieabchodnyja da jaho prynaležnaści.
Dalej na praciahu dvuch miesiacaŭ prychodzili paviedamleńni ab tym, što mužčyna źjeździŭ u Maskvu i Sočy, syšoŭ u zapoj, kuplaŭ darahija padarunki žančynam, jakija jaho padmanvali, byŭ źbity i abrabavany ŭ Irkucku, u sakaviku viarnuŭsia dadomu z 250 rublami (3 dalary) ŭ kišeni i ŭ krasaviku znoŭ viarnuŭsia pracavać na fiermu dajarom.
U mai Ciarenćjeŭ paviedamiŭ, što prachodzić adbor u atrad dobraachvotnikaŭ «Baatur», tamu što choča «pamianiać svajo žyćcio i choča ŭziać udzieł u «śpiecapieracyi».
Ciapier čytajuć
Biełarusy horača spračajucca, ci varta pryviazvać dapamohu na dzicia da zarobku maci24
Biełarusy horača spračajucca, ci varta pryviazvać dapamohu na dzicia da zarobku maci
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary
Chotia dieńhi nie priam ohromnyje .
Žienŝiny i buchło--zło.