KDB Biełarusi zajaviŭ pra toje, što ŭ krainie płanavali terakty na 9 Maja
Staršynia KDB Ivan Cierciel paabiacaŭ 10 maja abnarodavać infarmacyju pra «adpaviednyja fakty».
«Hetyja padziei byli źviazanyja, pavodle našych acenak, z 9 Maja. <…> Kiraŭnik dziaržavy ŭ kursie hetych momantaŭ. My zatrymali peŭnuju kolkaść asob, jakija rychtavalisia da ździajśnieńnia teraktaŭ. I viedajem, što za hetym stajać śpiecsłužby… Ja nie chaču poŭnaściu adkryvać siońnia. Zaŭtra my pastarajemsia ŭsio skazać», — zajaviŭ Ivan Cierciel.
2 maja pa vynikach čarhovaj narady siłavoha błoka ŭ Łukašenki, Ivan Cierciel prahnazavaŭ značnuju eskałacyju abstanoŭki pa pierymietry Biełarusi i abiacaŭ pakazać prykłady praduchileńnia teraktaŭ, pracy kontrraźviedki i materyjałaŭ zatrymańniaŭ.
Jak bačym, vyniki nie prymusili siabie čakać.
Nahadajem, 19 sakavika KDB paviedamiŭ ab likvidacyi ŭzbrojenaha zamiežnika ŭ Hrodnie, jaki nibyta prybyŭ z Polščy dla raźviedki patencyjnych miescaŭ ździajśnieńnia teraktaŭ. Paźniej pa biełaruskim telebačańni pakazali kadry šturmu i zajavili, što ŭ zahinułaha byŭ padrobleny pašpart RF na imia Alaksieja Łamakina.
Hetaje zdareńnie pakinuła šmat pytańniaŭ, a «Bajpoł» nazvaŭ śpiecapieracyju pastanoŭkaj z udziełam dziejnaha supracoŭnika KDB, jaki syhraŭ rolu «terarysta».
-
Francuzski hihant mabilnych hulniaŭ Voodoo abvinavaciŭ biełaruskuju SayGames u kapijavańni mabilnaj hulni — i znoŭ prajhraŭ
-
Biełarusy za miažoju znajšli prymianieńnie niadziejnamu biełaruskamu pašpartu
-
Cieła zabitaj u Izraili 31‑hadovaj Janiny pachavali ŭ Biełarusi. Jaje maci sprabuje zabrać maleńkaha ŭnuka
Ciapier čytajuć
Biełaruski kładaŭščyk sa svastykaj na plačy lačyŭsia ad ałkahalizmu ŭ Sibiry i pajšoŭ vajavać za Rasiju, a zastaŭsia biez vypłat i pracy12
Kamientary