Čarnavy varyjant zajavy Rady Jeŭrasajuzu havoryć ab padaŭžeńni maratoryju na vizavyja sankcyi suprać Alaksandra Łukašenki i jahonych nabližanych čynoŭnikaŭ.
Maratoryj na vizavyja sankcyi suprać Alaksandra Łukašenki i jahonych nabližanych čynoŭnikaŭ budzie padoŭžany jašče na hod. Jak pieradaje Bi-Bi-Si, pra heta havorycca ŭ čarnavym varyjancie zajavy Rady Jeŭrasajuzu, padrychtavanaj da jaho pasiedžańnia.
Sankcyi nie buduć skasavanyja, jak taho čakaŭ aficyjny Minsk. Pryčyna — niedastatkovaść prahresu palityčnych reformaŭ u krainie.
ES nazavie i dźvie śfiery, u jakich budzie čakać nastupnych krokaŭ:
admiena pakarańnia śmierciu i demakratyzacyja vybarčaha zakanadaŭstva.
ES uvioŭ zabaronu na vydaču vizaŭ dla Alaksandra Łukašenki i 40 biełaruskich aficyjnych asob paśla taho, jak ich abvinavacili ŭ falšavańni vybaraŭ 2006 hoda i datyčnaści da vykradańniaŭ palityčnych apanientaŭ.
Na zabaronu ŭjezdu byŭ nakładzieny maratoryj u kastryčniku 2008 hoda, kab pašyryć dyjałoh miž Minskam i ES.
Papiaredni varyjant zajavy praduhledžvaje padaŭžeńnie maratoryja da kastryčnika nastupnaha hoda — daŭžej, čym toje prapanoŭvali Abjadnanyja demakratyčnyja siły, jakija zaklikali padoŭžyć jaho tolki na paŭhoda, a dalejšyja kroki pastavić u zaležnaść ad chady miascovych vybaraŭ.
Čaćviarhovy demarš kiraŭnika Administracyi prezidenta Biełarusi Uładzimira Makieja, jaki prypyniŭ pracu Kansultatyŭnaj rady — daradčaha schodu ź simvaličnym pradstaŭnictvam apazicyi, moh być demanstracyjaj niezadavolenaści Minska budučym rašeńniem Brusela.
Ciapier čytajuć
Čamu ŭ pačatku 20 stahodździa estoncy, litoŭcy i łatyšy stvaryli dziaržavu, a biełarusy — nie? Adkazvaje Cieraškovič9
Kamientary