U Dobrušy siamja zakazała ŭ firmy ramont chaty. Adramantavali tak, što chatu daviadziecca źnieści
Šmatdzietnaja siamja addała za takuju pracu 120 tysiač rubloŭ. Daviałosia iści ŭ sud.
Šmatdzietnaja siamja vyrašyła pravieści rekanstrukcyju chaty ŭ Dobrušy. Dla hetaha muž i žonka źviarnulisia da pradprymalnika, jaki zajmaŭsia ramontam. Rekanstrukcyju biznesmien acaniŭ u 120 tysiač rubloŭ.
Siamja ŭziała na hetuju spravu kredyt i hrošy ź siamiejnaha kapitału. Pavodle płanu, ramont pavinien byŭ skončycca da lutaha 2022 hoda. Ale sprava zaciahnułasia. Spačatku dedłajn pa dadatkovaj damovie pieranieśli na 30 krasavika. A potym naohuł usio zacichła.
Zakazčyki čakali dva hady, a ŭ vyniku nakiravali pradprymalniku pretenziju z patrabavańniem skasavać damovu i viarnuć hrošy, dadaŭšy jašče tysiaču rubloŭ štrafu źvierchu. Akramia taho, siamja zakazała ekśpiertyzu. Jaje vyniki šakavali: rabočyja nastolki niekvalifikavana zrabili ramont, što chatu daviadziecca znosić.
Pakolki nijakaha adkazu na pretenziju nie było, siamja ŭziała ŭ sajuźniki Tavarystva abarony pravoŭ spažyŭcoŭ i padała pazoŭ. Sud spahnaŭ z pradprymalnika 94 tysiačy rubloŭ, jašče 25,9 tysiačy siamiejnaha kapitału, a taksama niaŭstojku ŭ 350 rubloŭ i tysiaču rubloŭ kampiensacyi maralnaj škody, piša BiełTA.
Adkazčyk abaviazany na praciahu 30 dzion zrabić demantaž i vyvieźci z chaty vykarystany budaŭničy materyjał. Taksama ź IP spahnali vydatki Tavarystva abarony pravoŭ spažyŭcoŭ u pamiery 796 rubloŭ i bolš za 121 tysiaču rubloŭ štrafu, ź jakich 10% pieraličanyja haradskoj arhanizacyi tavarystva.
Tramp zajaviŭ, što viadzie z Łukašenkam pieramovy pra vyzvaleńnie častki z 1400 palitviaźniaŭ8
Kamientary