Uźbiekistan patrabuje ad Rasii znajści i pakarać mužčynu, jaki nazvaŭ uźbiekskaha mihranta «rabom ruskich»
Žychar Padmaskoŭja nazvaŭ taksista z Uźbiekistana «rabom ruskich». MZS Uźbiekistana padkreślivaje, što hramadzianie ich krainy znachodziacca pad abaronaj svajoj dziaržavy, «dzie b jany ni byli».
Ministerstva zamiežnych spraŭ Uźbiekistana nakiravała ŭ MZS Rasii aficyjnuju notu z metaj ustanavić asobu mužčyny, jaki na videa abražaje taksista z Uźbiekistana, i pryniać u dačynieńni da jaho miery ŭ adpaviednaści z zakonam. Pra heta paviedamiŭ pres-sakratar MZS Uźbiekistana Achror Burchanaŭ.
Pa jaho słovach, MZS Uźbiekistana «rehularna adsočvaje infarmacyju, jakaja raspaŭsiudžvajecca ŭ sacyjalnych sietkach i ŚMI», i ŭ vypadku vyjaŭleńnia padobnych incydentaŭ supracoŭničaje z kampietentnymi orhanami zamiežnych dziaržaŭ.
Jon taksama nahadaŭ, što niezaležna ad taho, dzie znachodziacca hramadzianie Uźbiekistana, jany znachodziacca pad abaronaj svajoj dziaržavy.
U siecivie 27 žniŭnia było apublikavanaje videa, źniataje ŭ padmaskoŭnych Chimkach.
Na kadrach mužčyna kryčyć na taksista: «Ty — rab, rab ruskich! Va Uźbiekistanie ničoha sabie nie znajšoŭ — pryjechaŭ da nas. Ty nie ŭ siabie doma, ty pryjechaŭ pracavać — pracuj!» — kryčyć jon.
Taksist, zastajučysia spakojnym, prosić mužčynu spynić abrazy, paśla sadzicca ŭ mašynu i źjazdžaje.
Pa słovach śviedkaŭ, kanflikt adbyŭsia z-za taho, što taksi na karotki čas pierakryła ŭjezd u dvor, čakajučy prajezdu śmiećciavoza pa vuzkaj darozie.
-
Pamierła najstarejšy pradstaŭnik karaleŭskaj siamji ŭ Brytanii. Hiercahinia pakinuła karaleŭskaje žyćcio, kab stać školnaj nastaŭnicaj
-
«Jon moža pryjechać u Kijeŭ». Zialenski adkazaŭ Pucinu na prapanovu sustrecca ŭ Maskvie
-
Tramp vydaŭ ukaz, jaki dazvalaje karać krainy, što niepravamierna zatrymlivajuć amierykancaŭ
Ciapier čytajuć
Tramp zajaviŭ, što viadzie z Łukašenkam pieramovy pra vyzvaleńnie častki z 1400 palitviaźniaŭ35
Kamientary