Miadźviedzieŭ pryhraziŭ Łondanu zabrańniem kaštoŭnaściaŭ Brytanskaj karony
Były prezident Rasii, ciapier namieśnik staršyni Rady biaśpieki Dźmitryj Miadźviedzieŭ pahražaŭ Vialikabrytanii «zabrać kaštoŭnaści Brytanskaj karony» za pieradaču Kijevu dachodaŭ ad vykarystańnia aktyvaŭ RF, zamarožanych u adkaz na rasijskuju ahresiju suprać Ukrainy, paviedamlaje Rasijskaja słužba Radyjo Svaboda.
U dopisie ŭ svaim telehram-kanale Miadźviedzieŭ taksama pahražaje «viarnuć zachoplenaje ŭ naturalnaj formie. Heta značyć — «ukrainskaj ziamloj» i inšaj nieruchomaj i ruchomaj majomaściu, raźmieščanaj na joj».
U sieradu ministr abarony Vialikabrytanii Džon Chili padčas vizitu ŭ Kijeŭ abviaściŭ pra pradastaŭleńnie Ukrainie pakieta vajennaj dapamohi za košt dachodaŭ ad zamarožanych rasijskich aktyvaŭ na sumu bolej za 1 młrd funtaŭ sterlinhaŭ. Heta dazvoliła pastavić Ukrainie sotni tysiač artyleryjskich snaradaŭ, sotni zienitnych rakiet, zapasnych častak dla ŭzbrajeńnia, a taksama zaklučyć novyja kantrakty na absłuhoŭvańnie i ramont abstalavańnia i vajennaha transpartu.
U Jeŭropie i krainach «Hrupy siami» zamarožanyja rasijskija aktyvy ŭ pamiery pryblizna 210—220 młrd jeŭra, bolšaja častka jakich — dziaržaŭnyja reziervy, raźmieščanyja pieravažna na bielhijskaj placoŭcy Euroclear.
Vialikija sumy taksama zabłakavany ŭ Francyi — 19 młrd jeŭra. Hiermanija zamaroziła kala 210 młn jeŭra z suvierennych srodkaŭ. Akramia reziervaŭ Centrabanka Rasii, pad sankcyi trapili i pryvatnyja srodki rasijskich biźniesmienaŭ i kampanij — ich abjom składaje kala 24 młrd jeŭra.
Dachody ad kiravańnia hetymi aktyvami ES častkova pieradaje Ukrainie. Za pieršaje paŭhodździe 2025 hoda Kijeŭ atrymaŭ bolš za 10 młrd jeŭra z dachodaŭ pa hetych srodkach.
30 žniŭnia kiraŭnik jeŭrapiejskaj dypłamatyi Kaja Kałas zajaviła, što Rasija nie atrymaje nazad svaje zamarožanyja aktyvy, pakul nie vypłacić reparacyi Ukrainie.
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary