Karpušonak apublikavała tekst svajoj zajavy na Łatušku ŭ ispanskuju prakuraturu
Na staroncy delehatki Kaardynacyjnaj rady Volhi Karpušonak apublikavany anhłamoŭny tekst zajavy ŭ Hienieralnuju prakuraturu Ispanii z abvinavačvańniami na adras Paŭła Łatuški. Jak śćviardžajecca, takaja samaja zajava dasłanaja i ŭ «pravaachoŭnyja orhany Polščy».
U zajavie Volha Karpušonak patrabuje zavieści kryminalnuju spravu pa fakcie ździajśnieńnia złačynstva seksualnaha charaktaru i kryminalnych pahroz, zabiaśpiečyć zachavańnie dokazaŭ i infarmavać jaje pra zroblenyja pracesualnyja dziejańni.
Karpušonak pierakazvaje ŭsie abvinavačvańni na adras Paŭła Łatuški, jakija ŭžo raniej stali viadomyja z apublikavanych videa ź jaje ŭdziełam.
U jakaści dokazaŭ jana prapanuje pryniać «kopii SMS-paviedamleńniaŭ», ale dla hramadskaści znoŭ ničoha nie publikujecca.
Akramia taho, Karpušonak paćviardžaje, što ŭžo pakinuła terytoryju Ispanii, pra što raniej stała viadoma ź intervju Taćciany Martynavaj.
Jak śćviardžajecca ŭ dakumiencie, «navat u Ispanii ja nie znajšła spakoju». Nibyta paśla zapisanych videa žančyna «pačała atrymlivać novyja pahrozy ad nieviadomych asobaŭ, jakija znajšli mianie navat praz mesiendžar Telegram. Adna z pahroz utrymlivała majo dakładnaje miescaznachodžańnie i tajemna zroblenuju maju fatahrafiju».
«Z kožnym dniom strach za majo žyćcio stanaviŭsia nievynosnym. Ja pryniała balučaje rašeńnie pakinuć Jeŭrapiejski Sajuz. U toj ža čas viartańnie ŭ Biełaruś niemahčymaje z-za kryminalnaha pieraśledu. U ciapierašni momant ja znachodžusia ŭ adnosna biaśpiečnym miescy, ale tryvoha mianie nie pakidaje», — napisana ŭ zajavie.
Viarnuć dušeŭny spakoj Volzie Karpušonak moža tolki «pryciahnieńnie Paŭła Łatuški da adkaznaści, kab spraviadlivaść pieramahła».
Martynava: Karpušonak skazała mnie, što vylecieła ź Ispanii
Niechta ad imia Volhi Karpušonak vyjšaŭ na suviaź z «Našaj Nivaj»
Lavončyk: Sumniajusia, što Karpušonak kantraluje svoj akaŭnt. Heta abaroty z padručnika prapahandy
«Takoje ž pošłaje i durnoje». U Łatuški adkazali na novaje videa Volhi Karpušonak
Delehatka KR Karpušonak paśla maŭčańnia apublikavała videa
«Jaje dziejańni inśpiravanyja śpiecsłužbami». Pavieł Łatuška daŭ žyvy efir i adkazaŭ na abvinavačvańni Volhi Karpušonak u damahańniach
Kamientary
dziŭna, ale zrazumieła)