Videakadry, na jakich pakazany rasijski trykałor u horadzie Kupiansk Charkaŭskaj vobłaści, źjaŭlajucca prapahandaj Kramla. Pry hetym jość padstavy ličyć, što situacyja vakoł horada budzie ŭskładniacca, piša UNIAN.
Pra heta zajavili analityki prajekta DeepState, jakija vyvučyli situacyju ŭ horadzie. Jany patłumačyli, što na videa byŭ zafiksavany rasijanin ź ściaham na ŭskrainie horada. Tam jon znachodziŭsia bieśpieraškodna niekatory čas. Ale cikavy toj fakt, što sama zdymka videa viałasia z roznych punktaŭ, i ŭsie jany ŭ šeraj zonie.
Pry hetym analityki adznačyli, što choć 10-y korpus paźniej pakazaŭ kadry paražeńnia niekatorych akupantaŭ na paŭnočnych uskrainach horada ŭ šeraj zonie, ale rabić vysnovy ab poŭnym źniščeńni voraha davoli zarana.
U prajekcie supakoili, što najaŭnaść praciŭnika na paŭnočnych uskrainach Kupianska — nie navina. Rasijanie pastajanna sprabujuć prasočvacca ŭ horad i imknucca zamacavacca chacia b na ŭskrainach, kab pavialičyć svaju kolkasnuju prysutnaść dla dalejšaha prasoŭvańnia. Ale, jak adznačyli ŭ prajekcie, bajcy Sił Abarony starajucca pamnažać hetyja sproby na nul, adnak pieravaha voraha ŭ piachocie daje pra siabie znać.
U cełym analityki zaŭvažyli, što dadzienaja historyja z rasijskim ściaham — nie adzinkavy vypadak i situacyja maje bolš maštabny charaktar.
«Ciapier ažyćciaŭlajucca aktyŭnyja sproby šturmavych dziejańniaŭ hrupami piachoty rasijan, jakija svaimi namahańniami sprabujuć spynić ukrainskich vajskoŭcaŭ», — havorycca ŭ paviedamleńni.
Analityki papiaredzili, što ŭ vieraśni razmovy pra Kupiansk buduć uźnikać časta, bo praciŭnik nabliziŭsia ŭprytyk i aktyŭna pramacvaje słabyja miescy, jakija jon užo ŭ peŭnaj stupieni vyjaviŭ, a raźvivać pośpiechi jany biarucca imhnienna.
Ciapier čytajuć
Milicyja rassyłaje samakatčykam esemeski ab parušeńni imi praviłaŭ darožnaha ruchu1
Milicyja rassyłaje samakatčykam esemeski ab parušeńni imi praviłaŭ darožnaha ruchu
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich2525
Kamientary