Pucinu pierad telekamierami padaryli kartu, dzie «nijakaj Ukrainy niama». Vyjaviłasia, što jana tam taki jość, a voś Pieciarburh, Sibir i Krym nie rasijskija
Kanfuz zdaryŭsia siońnia ŭ efiry dziaržaŭnych rasijskich telekanałaŭ.
Staršynia Kanstytucyjnaha suda Rasii Valeryj Zorkin padaryŭ prezidentu staradaŭniuju kartu, «składzienuju samimi francuzami».
«Vyjaviłasia, što ŭ nas u Kanstytucyjnym sudzie znajšłasia kopija karty XVII stahodździa, składzienaja pry Ludoviku XIV, heta značyć, heta siaredzina, navat pačatak druhoj siaredziny XVII stahodździa, składzienaja samimi francuzami.
Čamu ja pryvioz jaje? Uładzimir Uładzimiravič, Tam niama Ukrainy!» — skazaŭ Valeryj Zorkin.
«Čamu ja ŭsio ž ryzyknuŭ vam pakazać [kartu]? Tamu što šmat było śpiekulacyj nakont taho, dzie vytoki, dzie, jak i što ŭtvaryłasia», — dadaŭ 80-hadovy staršynia Kanstytucyjnaha suda, jaki zajmaŭ hetuju pasadu i pry prezidencie Jelcynu, i pry Pucinu.
Pucin u adkaz paŭtaryŭ svaju dumku z pramovy, ź jakoj jon vystupiŭ u noč napadu na Ukrainu, što da stvareńnia USSR «nijakaj Ukrainy nie było ŭ historyi čałaviectva».
«Nu, my viedajem, što hetyja ziemli prosta ŭvachodzili ŭ skład Rečy Paspalitaj, a potym paprasilisia ŭ skład Maskoŭskaha Carstva, voś i ŭsio, i apynulisia ŭ składzie Maskoŭskaha Carstva. A ŭžo potym, paśla Kastryčnickaj revalucyi, pačali ŭtvaracca ŭsiakija kvazidziaržaŭnyja ŭtvareńni, a
savieckaja ŭłada stvaryła Savieckuju Ukrainu. Heta dobra viadoma ŭsim. Da hetaha nijakaj Ukrainy nie było ŭ historyi čałaviectva», — skazaŭ Uładzimir Pucin, jaki, napeŭna, dumaje, što heta apraŭdvaje jahonyja pretenzii na terytoryju suvierennaj dziaržavy.
Adnak, kali pahladzieć na kartu, stvoranuju kartohrafam Hijomam Sansonam, Ukraina tam akurat-taki jość. Jana nazyvajecca Ukraine pays des cosaques, abo «Ukraina, ziamla kazakoŭ» u pierakładzie z francuzskaj. Na toj momant jana była častkaj Rečy Paspalitaj.
Krym tady byŭ asobnaj dziaržavaj. Tam znachodziłasia Krymskaje Chanstva, krymskija tatary i dahetul zastajucca karennym narodam paŭvostrava. A voś terytoryja, dzie paśla budzie raźmieščany rodny dla Pucina Pieciarburh, paznačana jak Inhryja i naležyć Šviecyi. Nie ŭvachodziła tady ŭ skład Rasii i Sibir. Jaje, jak i Kaŭkaz, Maskovija kałanizuje paźniej.
Samu ž Rasiju aŭtar karty nazyvaje «Ziemli cara Biełaj Rusi, abo vialikaha kniazia maskoŭskaha».
Ciapier čytajuć
«Staŭleńnie jak da skaciny». Prarasijski błohier raskazaŭ pra 25 sutak ŭ IČU3
«Staŭleńnie jak da skaciny». Prarasijski błohier raskazaŭ pra 25 sutak ŭ IČU
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1515
Kamientary
Cikava było pačuć adkaz chitrazačosanaha
Voś! Kali dzie na starych mapach i praskokvaje "Biełaja ruś", to na ŭschod ad našaha VKŁ.
Nam usunuli hetuju nazvu, kab dałučyć da svaje Rasiei