Свет1717

Пуціну перад тэлекамерамі падарылі карту, дзе «ніякай Украіны няма». Выявілася, што яна там такі ёсць, а вось Пецярбург, Сібір і Крым не расійскія

Канфуз здарыўся сёння ў эфіры дзяржаўных расійскіх тэлеканалаў.

Валерый Зоркін прывёз Уладзіміру Пуціну карту, якая мае апраўдаць прэтэнзіі Масквы на Украіну. Фота: kremlin.ru

Старшыня Канстытуцыйнага суда Расіі Валерый Зоркін падарыў прэзідэнту старадаўнюю карту, «складзеную самімі французамі». 

«Выявілася, што ў нас у Канстытуцыйным судзе знайшлася копія карты XVII стагоддзя, складзеная пры Людовіку XIV, гэта значыць, гэта сярэдзіна, нават пачатак другой сярэдзіны XVII стагоддзя, складзеная самімі французамі.

Чаму я прывёз яе? Уладзімір Уладзіміравіч, Там няма Украіны!» — сказаў Валерый Зоркін.

«Чаму я ўсё ж рызыкнуў вам паказаць [карту]? Таму што шмат было спекуляцый наконт таго, дзе вытокі, дзе, як і што ўтварылася», — дадаў 80-гадовы старшыня Канстытуцыйнага суда, які займаў гэтую пасаду і пры прэзідэнце Ельцыну, і пры Пуціну.

Пуцін у адказ паўтарыў сваю думку з прамовы, з якой ён выступіў у ноч нападу на Украіну, што да стварэння УССР «ніякай Украіны не было ў гісторыі чалавецтва».

«Ну, мы ведаем, што гэтыя землі проста ўваходзілі ў склад Рэчы Паспалітай, а потым папрасіліся ў склад Маскоўскага Царства, вось і ўсё, і апынуліся ў складзе Маскоўскага Царства. А ўжо потым, пасля Кастрычніцкай рэвалюцыі, пачалі ўтварацца ўсякія квазідзяржаўныя ўтварэнні, а

савецкая ўлада стварыла Савецкую Украіну. Гэта добра вядома ўсім. Да гэтага ніякай Украіны не было ў гісторыі чалавецтва», — сказаў Уладзімір Пуцін, які, напэўна, думае, што гэта апраўдвае ягоныя прэтэнзіі на тэрыторыю суверэннай дзяржавы.

Аднак, калі паглядзець на карту, створаную картографам Гіёмам Сансонам, Украіна там акурат-такі ёсць. Яна называецца Ukraine pays des cosaques, або «Украіна, зямля казакоў» у перакладзе з французскай. На той момант яна была часткай Рэчы Паспалітай.

Фота: Wikimedia Commons

Крым тады быў асобнай дзяржавай. Там знаходзілася Крымскае Ханства, крымскія татары і дагэтуль застаюцца карэнным народам паўвострава. А вось тэрыторыя, дзе пасля будзе размешчаны родны для Пуціна Пецярбург, пазначана як Інгрыя і належыць Швецыі. Не ўваходзіла тады ў склад Расіі і Сібір. Яе, як і Каўказ, Масковія каланізуе пазней.

Фота: Wikimedia Commons

Саму ж Расію аўтар карты называе «Землі цара Белай Русі, або вялікага князя маскоўскага».

Каментары17

  • Valadzimir
    24.05.2023
    Вельмі цікавы вброс. У гэтай карты валоданьняў маскоўскага цара пад назвай "Белая Русь", апроч іньшых, ёсьць цікавая дэталь, якая раней неяк на вочы не траплялася. "Чорная Русь", якой ціпа "традыцыйна" лічацца заходнія землі ВКЛ - Гарадзенская і Наваградская, на гэтай карце, пад назвай "Russie Noire", разьмешчана ў зусім іньшым месцы - на захадзе цяперашняй Украіны з цэнтрам у Львове (Lemberg).
    А роўна праз Наваградак праходзіць надпіс "Lithuanie" - Літва.
  • Dendraryj
    24.05.2023
    Раскрылася поўнасцю сутнасць Путлера і ягонага атачэння. Не хаваюць ваўкі сваё сапраўднае аблічча, толькі імперыі рассыпаюцца , вова.
    Цікава было пачуць адказ хітразачосанага
  • Казік
    24.05.2023
    > Саму ж Расію аўтар карты называе «Землі цара Белай Русі
    Вось! Калі дзе на старых мапах і праскоквае "Белая русь", то на ўсход ад нашага ВКЛ.
    Нам усунулі гэтую назву, каб далучыць да свае Расеі

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць