Stali viadomyja pieršyja vyniki pa centralizavanym ekzamienie: 900 stabalnikaŭ
Za CE pa ruskaj movie 100 bałaŭ atrymali 482 vypuskniki, pa biełaruskaj — 413, jak paviedamlaje telehram-kanał Ministerstva adukacyi.
Pieršy centralizavany ispyt pa ruskaj i biełaruskaj movach byŭ 14 maja. U im pryniali ŭdzieł bolš za 53 tysiačy 11-kłaśnikaŭ.
Pa vynikach CE pa ruskaj movie 100 bałaŭ atrymali 482 vypuskniki, pa biełaruskaj — 413 navučencaŭ.
U adukacyjnym viedamstvie adznačyli, što pavieličeńnie kolkaści 100-balnych vynikaŭ u paraŭnańni ź minułymi hadami tłumačycca poŭnaj karelacyjaj testavaha materyjału z vučebnaj prahramaj, a taksama vyklučeńniem zadańniaŭ piataha ŭzroŭniu składanaści.
Kala 10 pracentaŭ vypusknikoŭ nie zmahli paćvierdzić adznaki 9 i 10 bałaŭ, atrymanyja pa vynikach hoda.
Vyniki 6, 7 i 8 bałaŭ (pa dziesiacibalnaj škale) pakazali kala 60% udzielnikaŭ CE pa dziaržaŭnych movach.
Vypuskniki ŭ siarednim spravilisia prykładna z 70 pracentami zadańniaŭ CE.
Test pa biełaruskaj movie na 0 bałaŭ vykanali 3 čałavieki, 1, 2 bały (pa dziesiacibalnaj škale) atrymali 63 navučencaŭ pa biełaruskaj movie i 85 — pa ruskaj.
U Minadukacyi miarkujuć, što novaja forma vynikovaj atestacyi vypusknikoŭ apraŭdała siabie.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»14
Kamientary