Rasija ŭpieršyniu straciła na vajnie va Ukrainie kamandny punkt ZRK S-400. Heta adna z najbolš važnych častak sistemy
U telehram-kanale «Dośje špiona» źjavilisia fatahrafii źniščanaha kamandnaha punkta 55K6A zienitna-rakietnaha kompleksu S-400 «Tryumf». Jak piša aŭtar kanała, techniku źniščyła ŭkrainskaja armija ŭ Chiersonskaj vobłaści z dapamohaj rakietnaha kompleksu HIMARS.
Pavodle adkrytych danych, heta druhaja strata kampanienta S-400 z pačatku vajny, piša kanał «Važnyje istorii». Pieršaja była zafiksavana hetaj zimoj u Zaparožžy. Miarkujučy pa fatahrafijach razburanaha «Tryumfu» z sacsietak, Rasija tady straciła puskavuju ŭstanoŭku.
S-400 «Tryumf» byŭ pryniaty na ŭzbrajeńnie ŭ Rasii ŭ 2007 hodzie. Maksimalnaja dalokaść — 400 kiłamietraŭ.
Minabarony Rasii nazyvaje S-400 adnym z klučavych elemientaŭ SPA.
Sistema taksama była pastaŭlena ŭ inšyja krainy: Biełaruś, Indyju, Kitaj, Turcyju. Pientahon prapanoŭvaŭ Ankary pieradać ZRK S-400 va USU ŭ abmien na źniaćcie sankcyj u sakaviku 2023 hoda. Adnak Turcyja admoviłasia heta rabić.
-
Uitkaf raskazaŭ, jakija čatyry dakumienty abmiarkoŭvali na pieramovach z Ukrainaj
-
Pad Słuckam budujuć sakretny vajskovy zavod — źbirajucca rabić 240 tysiač snaradaŭ štohod dla patreb Rasii
-
Rasijanie pierajšli miažu i prymusova vyvieźli z Sumskaj vobłaści bolš za 50 cyvilnych asob, najstarejšaj žančynie 89 hadoŭ
Kamientary