Stanisłaŭ Drahun abviaściŭ pra zaviaršeńnie karjery. Jon byŭ u «čornym śpisie» Minsportu
Zrabiŭ heta jon u svoj dzień narodzinaŭ. Siońnia futbalistu spoŭniłasia 35 hadoŭ.
«Dzień naradžeńnia — sumnaje śviata, ale siońnia jano sumnaje ŭdvaja! Siońnia — Draga-game over!) Nu što ž, usim dziakuj — usie svabodnyja! Było słaŭnaje palavańnie», — napisaŭ Stanisłaŭ Drahun u instahramie.
Jamu ŭ kamientarach adkazali: «Tvoj adychod — vialikaja strata i dla BATE, i dla ŭsiaho biełaruskaha futboła. Dziakuj tabie za jarkuju hulniu i za toje, što nie pramaŭčaŭ, kali nielha było maŭčać. Hetyja pasažyry la rula pasiadziać i pojduć, a tvaje ŭčynki zapomniacca nadoŭha, jak i cudoŭny hoł na 53-j chvilinie».
Stanisłaŭ Drahun pačynaŭ karjeru ŭ minskim «Łakamatyvie», hulaŭ u «Homieli», minskim «Dynama», rasijskich «Kryłach Savietaŭ» i «Arenburhu», z 2017 hoda hulaŭ za BATE.
U vieraśni 2020 hoda jon razam ź inšymi futbalistami vystupiŭ suprać hvałtu, za što potym trapiŭ u «čorny śpis» Minsportu. U 2023 hodzie futbalist užo nie hulaŭ.
Kamientary