Viadomy historyk Cimaci Snajder stanie hołasam Bialackaha ŭ art-instalacyi ŭ Osła
Padčas najbujniejšaha forumu pa pravach čałavieka ŭ śviecie OSLO Freedom Forum 2023 prahučyć art-instalacyja Andreja Kurejčyka «Hałasy novaj Biełarusi».
U joj buduć pradstaŭlenyja 16 manałohaŭ biełaruskich palitviaźniaŭ, u tym liku Maryi Kaleśnikavaj (asudžanaja na 11 hadoŭ), Alesia Bialackaha (10 hadoŭ), Mikałaja Statkieviča (14 hadoŭ), Maryny Zołatavaj (12 hadoŭ) i Ihara Łosika (15 hadoŭ).
Ich manałohi ahučyli amierykanskija akciory i viadomyja vykładčyki Jejlskaha ŭniviersiteta, u tym liku viadomyja amierykanskija historyki Cimaci Snajder i Marsi Šor, fiłosaf Džejsan Stenli, režysior Jury Kardonski dy inšyja.
Pra heta «Svabodzie» paviedamiŭ dramaturh, hramadski dziejač, lektar Jejlskaha ŭniviersiteta Andrej Kurejčyk. Pavodle jaho, historyk Tymaci Snajder stanie hołasam Bialackaha ŭ art-instalacyi. «Časam praŭda nie patrabuje ničoha, akramia taho, kab jaje vykazali dasłoŭna», — kaža Kurejčyk.
Art-instalacyju prademanstrujuć 15 červienia na forumie ŭ Osła.
Vystavu «Hałasy novaj Biełarusi» ŭ pierakładzie Džona Frydmana pradstaŭlaje Pravaabarončy fond (HRF) «Mastactva ŭ prateście». Jak havorycca ŭ apisańni, vystava źviartaje ŭvahu na baraćbu biełaruskaha narodu suprać «žorstkaha despata, jaki, nie skavany nijakimi maralnymi abmiežavańniami, biaźlitasna nastupaje na inšadumcaŭ».
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary