«Biellehpram» pradaje svaju pradukcyju ŭ Jeŭropu praz Turcyju. I škaduje, što straciŭ ukrainski rynak
Pradpryjemstvy «Biellehprama» letaś pazbavilisia vysokamaržynalnych rynkaŭ. Razam z tym kampiensavać straty ŭdałosia za košt rasijskaha rynku. Najbolš surjoznymi byli nastupstvy dla troch pradpryjemstvaŭ, piša «Reform».
«Rynak Ukrainy, Jeŭrasajuza i navat toj ža Amieryki z Kanadaj byli dla niekatorych našych pradpryjemstvaŭ vysokamaržynalnymi rynkami», — skazała staršynia kancerna Taćciana Łuhina na pres-kanfierencyi ŭ Nacyjanalnym pres-centry.
Jana dadała, što ŭkrainski rynak byŭ samym vysokamaržynalnym z 52 krain, kudy vialisia pastaŭki «Biellehprama».
Najbolšyja składanaści ŭ pieraaryjentacyi pastavak adčuvali «Aršanski lnokambinat», «Viciebskija dyvany» i «Dobrušski farforavy zavod». U ich eksparcie pieravažaŭ jeŭrapiejski kirunak.
Staršynia kancerna adznačyła, što niekatoryja pradpryjemstvy ŭsio jašče praciahvajuć pastaŭki pradukcyi ŭ Jeŭropu. Jość kanały pastavak praz Turcyju.
«Mnohija pracesy pa realizacyi pradukcyi pajšli prosta praz našych tureckich kaleh», — skazała Łuhina.
U častcy impartu składanaści ŭźnikli z chimikatami, farbavalnikami, apracoŭčymi rečyvami. Bolšuju častku pryjšłosia zamianić.
«Niadrenna siabie zarekamiendavała tureckaja chimičnaja pramysłovaść u tekstylnych vytvorčaściach. Streliła indyjskaja pramysłovaść», — skazała Łuhina.
Pavodle jaje słoŭ, kancern šukaje ŭ Indyi nie tolki chimičnyja rečyvy, ale i abstalavańnie. Taksama spadziajucca na rasijskija kampanii. Častku vałoknaŭ stali zakuplać u Rasii.
U 2023 hodzie kancern płanuje zabiaśpiečyć ekspart u 2 młrd dalaraŭ.
Pa słovach kiraŭnicy «Biellehprama», sioleta abjom vytvorčaści vyras na 10% u paraŭnańni z anałahičnym pieryjadam minułaha hoda, ekspart pavialičyŭsia na 27%. Rentabielnaść prodažaŭ u cełym pa kancernie skłała 12%.
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ54
Kamientary