Fiadutu pazbavili pieradač da kastryčnika. Pieradajuć tolki leki
Infarmacyja pra asudžanaha na 10 hadoŭ kałonii ŭzmocnienaha režymu litaraturaznaŭcu vielmi skupaja. Rodnyja nie dzielacca infarmacyjaj, kab nie naškodzić.
Viadoma, što ŭ Alaksandra Fiaduty, jaki adbyvaje pakarańnie ŭ mahiloŭskaj kałonii, jość prablemy sa zdaroŭjem, i ŭ hetym hodzie jon traplaŭ u turemnuju balnicu. Abvastrylisia prablemy z sercam, źjavilisia acioki.
Taksama majucca prablemy z nahami: jašče ŭ SIZA jamu pieradali kijok, ź jakim jon chodzić i ŭ mahiloŭskaj kałonii. Chacia, pa niekatoraj infarmacyi, ciapier jon pačuvajecca lepš, čym na pačatku hoda.
Ad byłych kaleh Fiaduty pa źniavoleńni stała viadoma, što žurnalist pazbaŭleny pieradač da kastryčnika. Jamu pieradajuć tolki leki, piša «Narodnaja Vola».
***
Alaksandra Fiadutu zatrymali ŭ Maskvie 11 krasavika 2021 hoda ŭ vyniku sumiesnaj «śpiecapieracyi» FSB Rasii i KDB Biełarusi ŭ miežach spravy ab sprobie dziaržaŭnaha pieravarotu. Paralelna schapili palityka Ryhora Kastusiova i jurysta Jurasia Ziankoviča. Usim vystavili abvinavačańnie pavodle č. 1 art. 357 Kryminalnaha kodeksa — «Zmova z metaj zachopu ŭłady niekanstytucyjnym šlacham».
Razhlad abjadnanaj spravy pačaŭsia 29 lipienia 2022 hoda ŭ Minskim rajonnym sudzie. Alaksandr Fiaduta pryznaŭ vinu častkova i nie pahadziŭsia z ahučanymi bokam abvinavačańnia matyvami. Praź miesiac pasiadžeńniaŭ prakuror Michaił Kavaloŭ zapatrabavaŭ dla palitviaźnia 12 hadoŭ źniavoleńnia.
5 vieraśnia 2022 hoda sudździa Uładzimir Areška krychu «źmiakčyŭ» zapytany termin i pakaraŭ žurnalista 10 hadami źniavoleńnia ŭ kałonii ŭzmocnienaha režymu.
29 listapada Viarchoŭny sud Biełarusi pakinuŭ prysud u sile.
Fiaduta ŭ apošnim słovie na sudzie: Abvinavaŭca iranizuje, ci nie vysokija matyvy stali pryčynaj maich dziejańniaŭ. Ale, heta tak!
Historyk Paškievič: Fiaduta viedaje, što takoje miesca ŭ historyi, i dumaje pra jaho navat za kratami
«Złujusia na hetaha «zmoŭščyka», ale lublu hetaha chłopca». Žonka Fiaduty atrymała spatkańnie z mužam
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1212
Kamientary