Cichanoŭskaja nie vyklučaje, što paprosić dapamohi asabista ŭ Zialenskaha ŭ vajennym vyzvaleńni Biełarusi
Śviatłana Cichanoŭskaja dała vialikaje intervju ŭkrainskaj žurnalistcy Natalli Masiejčuk, u jakim zakranuła temu «siłavoha varyjantu» vyzvaleńnia Biełarusi.
Padčas intervju viadomaj ukrainskaj žurnalistcy Natalli Masiejčuk 19 červienia kiraŭnica Abjadnanaha pierachodnaha kabinieta Biełarusi Śviatłana Cichanoŭskaja vykazałasia pra «siłavy varyjant» źviaržeńnia režymu Łukašenki.
Svoj akcent Cichanoŭskaja zrabiła na tym, što ŭ ahulnuju pieramohu ŭniasie ŭkład kožny biełarus. Varyjanta, pry jakim usie buduć adsiedžvacca, čakajučy pieramožnaha pachodu pałka Kalinoŭskaha, nie budzie, bo adnych «kalinoŭcaŭ» budzie niedastatkova.
«Što datyčyć vyzvalenčaha ruchu, to ŭsie varyjanty mahčymyja. Vidavočna adno: adnych kalinoŭcaŭ dla pieramohi nie chopić, spatrebicca vialikaja dapamoha biełarusaŭ unutry krainy i biełaruskaj armii ŭ pryvatnaści. Hetuju dumku vielmi važna danieści da kožnaha biełarusa. Nam taksama vielmi spatrebiacca mižnarodnaja dapamoha i padtrymka Ukrainy», — zajaviła Cichanoŭskaja.
Paśla hetych słoŭ ukrainskaja žurnalistka adrazu zadała Śviatłanie pytańnie, ci źvierniecca jana pa vajennuju dapamohu ŭ hetym pytańni asabista da prezidenta Ukrainy Uładzimira Zialenskaha.
«Ja hetaha nie vyklučaju», — adkazała Cichanoŭskaja.
Nahadajem, što niadaŭna pradstaŭniki pałka Kalinoŭskaha razmaŭlali pa videa sa Śviatłanaj Cichanoŭskaj i asabliva padkreślili, što «siłavomu varyjantu» vyzvaleńnia Biełarusi alternatyvy nie isnuje.
«Kali šalony dyktatar addaść zahad — kidajcie zbroju. Inakš adzinaje, što vas čakaje, — heta śmierć». Na ŭkrainska-biełaruskaj miažy prahučaŭ zvarot pałka Kalinoŭskaha da biełaruskich vajskoŭcaŭ
Sotni biełarusaŭ prachodziać bajavuju padrychtoŭku ŭ Polščy, kab zmahacca z režymam Łukašenki — The Times
«Nijakaha źniaćcia sankcyj u Brusieli siońnia nie abmiarkoŭvajecca. Heta ŭviadzieńnie ŭ zman» — Franak Viačorka
Kamientary