Litva ŭvodzić novyja abmiežavańni na tranzit tavaraŭ praź Biełaruś i Rasiju
Pry tranzicie hruzaŭ u Litvu praz terytoryju Rasii abo Biełarusi z 3 lipienia treba budzie pakazać «dekłaracyju vytvorcy». Hety dakumient budzie paćviardžać, što vytvorca viedaje, chto kančatkovy pakupnik, paviedamiła pres-słužba litoŭskaj mytni.
Hetaje patrabavańnie raspaŭsiudžvajecca na 57 vidaŭ tavaraŭ, jakija mohuć, na dumku litoŭskaha boku, vykarystoŭvacca ŭ vajskovych metach. I dekłaracyja ŭ hetym vypadku pavinna paćvierdzić, što hetyja tavary iduć mienavita ŭ treciuju krainu tranzitam.
Faktyčna ŭ hetym vypadku vytvorca biare na siabie adkaznaść. Jon pavinien nie tolki paznačyć u mytnaj dekłaracyi pradaŭca i pakupnika ŭ treciaj krainie, ale i paćvierdzić, što tavary nie buduć pierapradadzienyja ŭ Rasii i Biełarusi.
Litoŭskaja mytnia sprabuje zmahacca takim čynam z paralelnym impartam sankcyjnych tavaraŭ. Z 5 červienia kantrol za takimi tavarami ŭ Litvie ŭžo byŭ uzmocnieny. Taksama litoŭcy abiacali bolš uvažliva praviarać hruzy z łahistykaj, jakaja nie maje ekanamičnaha ci inšaha razumnaha abhruntavańnia.
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary