Što za supierkampjutar pakazaŭ Łukašenka na sustrečy sa školnikami?
1 vieraśnia na sustreču sa školnikami ŭ Pałacy Niezaležnaści Alaksandr Łukašenka prynios «unikalnuju biełaruskuju raspracoŭku».
Heta pieršy taki biełaruski kampjutar, jaki, jak jon skazaŭ, jamu padaryli «razumnyja ludzi».
«Im była pastaŭlenaja zadača pašatacca pa ŭsim śviecie, znajści samaje lepšaje, toje, što my nie možam stvarać sami — pracesary, prahramnaje zabieśpiačeńnie — i stvaryć hety kampjutar. Ščyra skažu, u im mienš za 20%, kala 12%, biełaruskaha. Da kanca hoda budzie 30», — prarekłamavaŭ Łukašenka navinku.
Vypuściŭ kampjutar zavod «Haryzont».
«Ja ŭpeŭnieny, što heta budzie samy sučasny kampjutar na ŭzroŭni suśvietnych technałohij», — pachvaliŭsia Łukašenka.
I dadaŭ, što razam z Rasijaj jon vypuściŭ 3 ci 5 «supierkampjutaraŭ».
Łukašenka vykazaŭ mierkavańnie, što całkam zrabić svajo i niemahčyma — nivodnaja kraina tak nie robić. Kali niadaŭna jon naviedvaŭ Motaviełazavod, to pazicyja była inšaj — joj patrabavaŭ stvaryć całkam svaju techniku.
Ź biełaruskimi raspracoŭkami čas ad času zdarajucca kazusy. Tak, płanšet ad «Haryzonta», jakim chvalilisia ŭ 2012 hodzie, akazaŭsia zroblenym z kitajskich kamplektujučych pad biełaruskaj nalepkaj.
Pieradavyja ajčynnyja napracoŭki musili prezientavać i na naradzie pa mikraelektronicy ŭ červieni. Tady ludzi, abaznanyja ŭ śfiery, zaŭvažyli — niekatoryja płaty, što trapili ŭ kadr, raspracoŭvalisia jašče na pačatku nulavych. A 16-kanalny modul acenki aktyŭnaha kletkavaha bałansu, jaki prezientavali jak ajčynny, akazaŭsia amierykanskim.
Čytajcie taksama: «Biełaruskimi tam mohuć być tolki humovyja nožki i nalepka «N». Što moh vypuścić «Haryzont»?
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary