Kiryłu Klimava asudzili na čatyry hady za šeść danataŭ pa dziesiać dalaraŭ
U Minskim haradskim sudzie 26 červienia vynieśli prysud minčuku Kiryłu Klimavu, jakoha sudzili pavodle art. 361-2 (finansavańnie dziejnaści ekstremisckaha farmavańnia) Kryminalnaha kodeksa. Sudździa Luboŭ Simachina pryznačyła Kiryłu čatyry hady pazbaŭleńnia voli ŭ kałonii va ŭmovach ahulnaha režymu, paviedamiła «Viasna».
Kiryłu Klimavu 38 hadoŭ. Jon šmat hadoŭ pracavaŭ u Akademii navuk, a paśla ŭ pryvatnych firmach.
Mužčynu zatrymali 23 lutaha 2023 hoda ranicaj, kali jon išoŭ na pracu. U jaho doma praviali vobšuk.
Spačatku Kiryłu aryštavali na 15 sutak, paśla čaho nie vypuścili. Jaho abvinavacili ŭ tym, što mužčyna z červienia 2020-ha pa maj 2021 hoda praz płaciežnuju sistemu Facebook fundraising achviaravaŭ hrošy ŭ inicyjatyvy By_help, BYSOL, «Sumlennyja ludzi». Na pasiadžeńni Kiryłu pradjavili šeść danataŭ pa dziesiać dalaraŭ kožny.
Kiryła nie pryznaŭ vinu. Jon nie admaŭlaŭ pieraličeńnia srodkaŭ, ale patłumačyŭ, što achviaravaŭ ich na dapamohu represavanym.
Ciapier čytajuć
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek3
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary
Mrazota ździekujecca navat nad ułasnymi niedazakonami, sprabujučy źniščyć ludskuju salidarnaść. U ban-list takich, kab navat łyča ŭ narmalnych krainach nie pakazvali