Kiraŭnikom adnaho z asnoŭnych infarmacyjnych ahienctvaŭ Rasii pryznačyli aŭtara filmaŭ pra Pucina
Novym hiendyrektaram TASS pryznačany Andrej Kandrašoŭ, televiadoŭca i aŭtar dakumientalnych filmaŭ «Krym. Šlach na Radzimu» i «Pucin», jak piša RBK.
Premjer-ministr Michaił Mišuścin padpisaŭ rasparadžeńnie ab vyzvaleńni Siarhieja Michajłava ad pasady hienieralnaha dyrektara TASS. U dakumiencie skazana, što toj zvolnieny pa ŭłasnym žadańni.
Na pasadu hiendyrektara TASS pryznačany supracoŭnik VHTRK (Usierasijskaj dziaržaŭnaj teleradyjokampanii), televiadoŭca i aŭtar dakumientalnych filmaŭ Andrej Kandrašoŭ.
U bijahrafičnaj daviedcy, apublikavanaj na sajcie ŭrada, havorycca, što Kandrašoŭ pracuje na telebačańni z 1991 hoda.
«Byŭ ułasnym karespandentam VHTRK pa Centralnaj Azii, aśviatlaŭ pracu Dziaržaŭnaj dumy, uvachodziŭ u skład kramloŭskaha puła, vioŭ prahramy «Viestki» i «Viestki tydnia», — havorycca ŭ paviedamleńni.
Paźniej Kandrašoŭ kuryravaŭ infarmacyjny błok chołdynhu VHTRK na pasadzie namieśnika hiendyrektara. Byŭ pres-sakratarom pieradvybarčaha štaba Pucina.
Andrej Kandrašoŭ — łaŭreat premii TEFI ŭ naminacyi «Viadoŭca infarmacyjnych prahram» i śpiecyjalnaj premii «Za adlustravańnie historyi».
Ciapier čytajuć
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany6
«Ženia ŭ nas nohi straciŭ». Na parad u Minsk pryjechali vahnieraŭcy-biełarusy — raskazvajem, chto jany
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary