Zorka sieryjała «Va ŭsie ciažkija» Ar-Džej Mit pamior va ŭzroście 34 hadoŭ
Mit, jaki mieŭ dziciačy cerebralny paralič, vykarystoŭvaŭ ułasny žyćciovy dośvied padčas pracy nad rolaj u sieryjale, adznačanym premijaj «Emi».
Amierykanski akcior Ar-Džej Mit (RJ Mitte), najbolš viadomy pa roli syna Uołtera Uajta ŭ dramatyčnym telesieryjale «Va ŭsie ciažkija» (Breaking Bad), pamior va ŭzroście 34 hadoŭ, piša Bi-bi-si.
«Z hłybokim smutkam my paviedamlajem pra trahičnuju śmierć lubimaha aktora, fiłantropa i aktyŭnaha zmahara za pravy ludziej ź invalidnaściu Ar-Džeja Mita», — zajaviŭ Bi-bi-si jahony ahient.
Akcior pamior u horadzie Braŭnśvił u amierykanskim štacie Techas. Pryčyna śmierci nie paviedamlajecca.
Mit, jaki mieŭ dziciačy cerebralny paralič, vykarystoŭvaŭ ułasny žyćciovy dośvied padčas pracy nad rolaj u sieryjale, adznačanym premijaj «Emi».
Razam ź im u prajekcie zdymalisia Brajan Krenstan i Aaron Poł.
U 2014 hodzie jon atrymaŭ premiju Hildyi kinaakcioraŭ ZŠA za pracu ŭ hetym prajekcie.
«Mit nadaŭ svajoj roli praŭdapadobnaść i vykarystaŭ svaju viadomaść, kab pryciahnuć uvahu da prablem ludziej ź invalidnaściu i pytańniaŭ inkluzii», — skazaŭ Bi-bi-si jahony pradstaŭnik Šon Rejli.
Mit taksama byŭ ambasadaram arhanizacyj United Cerebral Palsy i Shriners Children's.
Akramia taho, jon zasnavaŭ fond The Mitte Foundation dla padtrymki dabračynnaj dziejnaści i hramadskich inicyjatyŭ, «kab zmahacca sa stereatypami i spryjać bolš šyrokamu pradstaŭleńniu intaresaŭ ludziej ź invalidnaściu», — adznačyŭ Rejli.
Sieryjał «Va ŭsie ciažkija» vychodziŭ u ZŠA na praciahu piaci siezonaŭ — z 2008 da 2013 hoda. Drama, jakuju ličać adnym z najlepšych amierykanskich telesieryjałaŭ XXI stahodździa, atrymała 58 naminacyj na premiju «Emi» i zavajavała 16 uznaharod.
Ar-Džej Mit naradziŭsia i vyras u štacie Łuizijana. Jon byŭ jašče padletkam, kali prachodziŭ kastynh na znakavuju rolu Uołtera Uajta-małodšaha — piersanaža, jaki taksama mieŭ cerebralny paralič.
U Łos-Andželes Mit pierajechaŭ u 2005 hodzie, kab padtrymać akciorskuju karjeru svajoj małodšaj siastry. Jon raskazvaŭ, što pieršyja proby prachodziŭ dla sacyjalnaj rekłamy štata Kalifornija, skiravanaj na baraćbu z užyvańniem mietamfietaminu.
«A ciapier piarojdziem da kastynhu na «Va ŭsie ciažkija» — sieryjał, jaki, na maju dumku, taksama ŭ peŭnym sensie źjaŭlajecca antynarkatyčnym prajektam, bo ni dla kaho z hierojaŭ hetaja historyja nie zakančvajecca dobra», — skazaŭ jon u pačatku hetaha miesiaca ŭ padkaście papularnaha błohiera Džo Vułpisa.
Ciapier čytajuć
Biełaruskija repietytary ŭ panicy: praz prablemy «Jandeksa» jany mohuć zhubić materyjały, jakija napracoŭvali hadami8
Kamientary
Na jakich žurfakach jakija Iŭčankavy vučyli vas pierakładać ustojlivyja vyrazy (pryčym, čamuści nie z movy, na jakoj stvorany film, a z rasijskaj) dasłoŭna i pasłoŭna, a nie šukać adpaviednaha frazieałahizmu ŭ svajoj movie?