«Try pravały ŭ ciabie pa vobłaści». Łukašenka pajechaŭ u Mahiloŭskuju vobłaść
Alaksandr Łukašenka 10 lipienia naviedvaje Mahiloŭ i Mahiloŭski zavod liftavaha mašynabudaŭnictva. Sustreču Łukašenka pačaŭ z tradycyjnaha za 29 hadoŭ patrabavańnia navieści paradak.
Łukašenka, jak zvyčajna, zhodna z paviedamleńniem pres-słužby hladzieŭ za «paradkam» z borta viertalota pa darozie na pradpryjemstva. I jamu nie spadabałasia.
«Vy sami siabie hubicie hetaj zachłamlenaściu», — skazaŭ Łukašenka.
«Navodźcie paradak. Kab na praciahu hoda ŭsio było jak maje być. Mabilizujcie ludziej, navodźcie paradak», — paŭtaraŭ jon.
Ctaršynia Mahiloŭskaha abłvykankama Anatol Isačanka dałažyŭ Alaksandru Łukašenku ab asnoŭnych pakazčykach sacyjalna-ekanamičnaha raźvićcia rehijona.
Temp rostu vałavoha rehijanalnaha praduktu ŭ Mahiloŭskaj vobłaści za studzień-maj skłaŭ 98,6% da anałahičnaha pieryjadu minułaha hoda.
«Try pravały ŭ ciabie pa vobłaści. Samaje dziŭnaje, u ciabie ž i pramysłovaść pravalvajecca», — ździviŭsia Łukašenka.
Jak udakładniŭ Anatol Isačanka, vyjści na zapłanavanyja pakazčyki pa vałavym rehijanalnym pradukcie nie mohuć z-za drennych vynikaŭ u pramysłovaści, roźničnym i aptovym tavaraabarocie. Što tyčycca pramysłovaści, to tut prablemy pa dvuch napramkach — drevaapracoŭcy i vytvorčaści cemientu. Da kanca hoda ich raźličvajuć vyrašyć, paabiacaŭ Isačanka.
Łukašenka, pavodle jaho pres-słužby, spytaŭ, jak realizujucca ŭ rehijonie inviestycyjnyja prajekty.
«Pytańnie nie ŭ tym, kab zaniać ludziej. U nas z hetym prablem amal niama. Pytańnie ŭ tym, kab kožny rajon zarablaŭ sabie hrošy», — skazaŭ Łukašenka.
Akramia paradku, Łukašenka źviarnuŭsia da druhoj svajoj ulubionaj temy — dyscypliny.
«Dyscyplina pavinna być žalezabietonnaja. Adsutnaść dyscypliny — heta pravał. Pravał — heta vajna. Usio pačynajecca z ekanomiki», — vyvieŭ svoj łahičny łancužok Łukašenka.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2828
Kamientary