Bolš za 200 paciarpiełych. Machlary-«zabudoŭščyki» prapanoŭvali nieruchomaść pa pryvabnych cenach
Troje biełarusaŭ bolš za čatyry hady brali hrošy z dolščykaŭ, zaklučali fiktyŭnyja damovy pra kuplu i prodaž pamiaškańniaŭ. Ustanoŭlena bolš za 210 paciarpiełych, paviedamlaje Śledčy kamitet.
Pavodle SK, troje mužčyn (36, 39 i 66 hadoŭ) bolš za 4 hady zaklučali pahadnieńni ab nabyćci pamiaškańniaŭ i damovy kupli-prodažu. Paśla atrymańnia hrošaj ad dolščykaŭ fihuranty vyvodzili hrošy z rachunkaŭ padkantrolnych arhanizacyj i vydatkoŭvali na asabistyja patreby.
Pavodle śledčych, arhanizavaŭ schiemu žychar Babrujska, jon uciahnuŭ u niezakonny biznes baćku i znajomaha. U centry Mahilova jany arhanizavali ofis, stvaryli koł-centr.
Ustanoŭlena bolš za 210 paciarpiełych, jakija praz złačynnyja dziejańni «biznesmienaŭ» stracili kala 7 miljonaŭ rubloŭ.
U abvinavačanych aryštavanaja majomaść na 8,5 młn rubloŭ.
Adzin ź fihurantaŭ spravy chavajecca ad śledstva ŭ adnoj z zachodnich krain. Jon abvieščany ŭ mižnarodny vyšuk. Astatnija —pryznanyja vinavatymi i atrymali, jak piša SK, «15 hadoŭ pazbaŭleńnia voli na dvaich».
Pamiłavany i departavany ŭkrainiec Katovič raskazaŭ, za jakuju abrazu na jaho pakryŭdziŭsia Łukašenka1
Kamientary