Z bolš jak troch tysiač ahrasiadzib u Biełarusi na pierarehistracyju pajšła tolki pałova
Pa ŭsioj Biełarusi z bolš jak troch tysiač uładalnikaŭ ahrasiadzib tolki 1,6 tysiačy źviarnulisia pa dazvoł u miascovyja vykankamy, piša «SB. Biełaruś siehodnia», spasyłajučysia na juryskonsulta Departamienta turyzmu Ministerstva sportu i turyzmu Alaksandra Krečatava.
Z 1 lipienia ŭładalniki ahrasiadzib u Biełarusi pavinny byli pierajści na padatak na prafiesijny dachod, a taksama pierarehistravacca.
Vydańnie paviedamlaje, što na hety momant 1,2 tysiačy z tych ludziej, jakija padali dakumienty, atrymali dazvoł na praciah dziejnaści.
Pavodle ŭkaza ab raźvićci ahraekaturyzmu, pryniataha ŭ kancy 2022 hoda, prymać turystaŭ zmohuć tolki tyja, chto atrymaŭ dazvoł ad vykankama. Atrymać dazvoł treba było da 1 lipienia 2023 hoda.
Na pačatak 2023 hoda ŭ Biełarusi naličvałasia 3043 ahrasiadziby, ź ich dziejničała 2199.
«Paniesłasia kryvaja ŭ ščaŭje». Jak žančyna z Ušačaŭ piače chatni chleb
«Turysty, jakija pryjazdžajuć, usie cudoŭnyja». Jak chłopiec ź biełaruskaj vioski papularyzuje pryrodu Błakitnych azior i zarablaje na hetym
Sužency syšli ź mieniedžarskich pasad, źjechali na Ščučynščynu, stali tam čabanami i haspadarami ahrasiadziby
U internet źlili pierapisku Kavaleŭskaha i Cichanoŭskaj. Ale kancoŭ nie znajści28
Kamientary