Zakony nie pracujuć, ale «Pravaznaŭstva» cenicca. Jakija śpiecyjalnaści va ŭniviersitetach samyja darahija
U 2023 hodzie VNU Biełarusi płanujuć pryniać 52,2 tys. novych studentaŭ. Čakajecca, što studentami biudžetnaj formy navučańnia stanuć 28,4 tys. abituryjentaŭ, astatnija majuć vučycca płatna. «Ekonomičieskaja hazieta» pahladzieła, jakija ciapier samyja prestyžnyja i adpaviedna vysokaapłatnyja śpiecyjalnaści ŭ niekatorych biełaruskich VNU.
U Biełaruskim dziaržaŭnym univiersitecie košt navučańnia studentaŭ-pieršakurśnikaŭ u 2023/2024 navučalnym hodzie vahajecca ad 3,5 tys. da 5,6 tys. rubloŭ.
Najbolš vysoki košt navučańnia na jurydyčnym fakultecie, dzie na śpiecyjalnaściach «Pravaznaŭstva» i «Ekanamičnaje prava» za hod studenty zapłaciać 5,567 tys. rub. Stolki ž kaštuje i «Mižnarodnaje prava» na fakultecie mižnarodnych adnosin.
U Biełaruskim dziaržaŭnym univiersitecie infarmatyki i radyjoelektroniki (BDUIR) košt navučańnia pieršakurśnikaŭ na dzionnym adździaleńni na śpiecyjalnaściach fakulteta kampjutarnych sistem i sietak składzie 4,590 tys. rub. Stolki ž treba budzie płacić pieršakurśnikam fakulteta infarmacyjnych technałohij i kiravańnia i inžynierna-ekanamičnaha fakulteta.
U Biełaruskim dziaržaŭnym ekanamičnym univiersitecie (BDEU) košt navučańnia nie razroźnivajecca pa śpiecyjalnaściach: usie pieršakurśniki dzionnaha adździaleńnia pavinny buduć zapłacić 3,403 tys. rub.
U Biełaruskim dziaržaŭnym piedahahičnym univiersitecie imia Maksima Tanka (BDPU) košt płatnaha navučańnia na pieršym kursie varjirujecca ad 3,694 tys. da 3,990 tys. rub. Samyja darahija — śpiecyjalnaści «Muzyčnaje mastactva, rytmika i chareahrafija», «Muzyčnaje mastactva i suśvietnaja mastackaja kultura».
Biełaruski dziaržaŭny miedycynski ŭniviersitet (BDMU) zafiksavaŭ košt navučańnia ŭ dyjapazonie ad 4 tys. da 5,2 tys. rub. Samaja darahaja śpiecyjalnaść — «Stamatałohija».
Što tyčycca rehijanalnych VNU, to, naprykład, u Bresckim dziaržaŭnym univiersitecie imia Puškina samaja darahaja śpiecyjalnaść — «Pravaznaŭstva» na jurydyčnym fakultecie. Za hod navučańnia pieršakurśniku treba budzie zapłacić 3,727 tys. rub.
Čytajcie taksama:
BDTU i BDPU niedabrali studentaŭ na biudžetnaje navučańnie
«Nieabchodnaści ŭ ich funkcyjanavańni niama». U Minsku likvidujuć dva licei
-
Znojdzieny pad Viciebskam bivień mamanta mahło prynieści tudy tałymi vodami
-
«Takija vypadki vielmi redkija». Pradpryjemstva adkazała biełaruscy, jakaja znajšła ŭ marožanym kavałak mietału
-
Homielski hubiernatar pachvaliŭsia, što sioleta ŭ rehijonie stała bolš pieršakłaśnikaŭ. Ale letašnija ličby hetamu piarečać
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary