11 žniŭnia Vitalu Tysievu sa Stoŭbcaŭ u niamieckaj klinicy «Šaryte» zrabili składanuju apieracyju na pazvanočniku, vialikija hrošy na jakuju źbirali biełarusy ŭsioj supolnaściu. Ciapier «Radyjo Svaboda» apublikavała videa, na jakim Vital užo sprabuje chadzić.
Padčas źniavoleńnia ŭ 2020 hodzie ŭ žychara Stoŭbcaŭ Vitala Tysieva abvastryłasia chraničnaje zachvorvańnie. Paśla ŭciokaŭ ź Biełarusi lekary dyjahnastavali ŭ Tysieva surjoznuju prablemu.
Vitalu sabrali hrošy na lačeńnie — amal 20 tysiač jeŭra. Adnak polskaja klinika ŭ apošni momant pabajałasia rabić składanuju apieracyju i admoviłasia. Taksama Tysieŭ prajšoŭ abśledavańnie ŭ Litvie, ale i tam atrymaŭ admovu ŭ apieracyi.
Bierlinskaja klinika «Šaryte» pahadziłasia pryniać biełarusa i zrabić apieracyju. Cana jaje — 55 100 jeŭra, i na hetuju sumu taksama źbirajuć achviaravańni.
Šmat hadoŭ tamu ŭ Vitala Tysieva była traŭma pazvanočnika, ale jana dazvalała jamu žyć i pracavać. Składanaści pačalisia ŭ 2020 hodzie, kali aryšt u izalatary spravakavaŭ zapaleńnie.
U Vitala raźviŭsia ankiłazirujučy spandylit (aŭtaimunnaja chvaroba złučalnaj tkanki), zraślisia ŭsie sustavy pazvanočnika i inšyja sustavy. Lekary kazali, što kali ŭ najbližejšyja tydni nie zrabić apieracyi, to mužčynu moža paralizavać.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina26
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary