U Bierlinie zrabili apieracyju Vitalu Tysievu, jakomu biełarusy źbirali hrošy
Pra toje, što apieracyja skončyłasia, paviedamiła apiakunka Vitala, byłaja lekarka z Ukrainy Vilena, piša «Radyjo Svaboda». Pavodle niamieckich chirurhaŭ ź bierlinskaj kliniki «Šaryte», apieracyja prajšła paśpiachova. Padrabiaznaści čakajucca siońnia paźniej.
Padčas źniavoleńnia ŭ 2020 hodzie ŭ žychara Stoŭbcaŭ Vitala Tysieva abvastryłasia chraničnaje zachvorvańnie. Paśla ŭciokaŭ ź Biełarusi lekary dyjahnastavali ŭ Tysieva surjoznuju prablemu.
Vitalu sabrali hrošy na lačeńnie — amal 20 tysiač jeŭra. Adnak polskaja klinika ŭ apošni momant pabajałasia rabić składanuju apieracyju i admoviłasia. Taksama Tysieŭ prajšoŭ abśledavańnie ŭ Litvie, ale i tam atrymaŭ admovu ŭ apieracyi.
Bierlinskaja klinika «Šaryte» pahadziłasia pryniać biełarusa i zrabić apieracyju. Cana jaje — 55 100 jeŭra, i na hetuju sumu taksama źbirajuć achviaravańni.
Pavodle Vileny, paśla apieracyi płanujuć adkryć novy zbor hrošaj na reabilitacyju Vitala Tysieva.
Šmat hadoŭ tamu ŭ Vitala Tysieva była traŭma pazvanočnika, ale jana dazvalała jamu žyć i pracavać. Składanaści pačalisia ŭ 2020 hodzie, kali aryšt u izalatary spravakavaŭ zapaleńnie.
U Vitala raźviŭsia ankiłazirujučy spandylit (aŭtaimunnaja chvaroba złučalnaj tkanki), zraślisia ŭsie sustavy pazvanočnika i inšyja sustavy. Lekary kazali, što kali ŭ najbližejšyja tydni nie zrabić apieracyi, to mužčynu moža paralizavać.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ20
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary