Volha Bondarava patrabuje zakryć fentezi-siadzibu «Litoŭka» kala Navahrudka
Aktyvistka Volha Bondarava, jakaja zmahajecca ź biełaruščynaj, pavietranymi źmiejami i viasiołkavymi adnarohami, hetym razam źviarnuła ŭvahu na fentezi-siadzibu «Litoŭka» ŭ Navahrudskim rajonie.
Bondarava napisała zvarot prakuroru Hrodzienskaj vobłaści Alaksandru Žukavu. Na jaje dumku, uładalniki padmanvajuć ułady, anansujučy svaju pracu jak ahrasiadzibu, ale «nie akazvajuć pasłuh dla pražyvańnia ahraekaturystam», faktyčna pracujuć jak muziej.
Ale hałoŭnaja pretenzija Bondaravaj — afarmleńnie siadziby.
Na dumku žančyny, u siadzibie prysutničajuć ekspanaty «asacyjalnaha i parnahrafičnaha charaktaru, jakija prapahandujuć kult hvałtu i žorstkaści», naprykład:
«aholenaja natura ŭ vyčvarenskaj formie z naŭmysnaj demanstracyjaj hienitalij»;
«psichadeličnyja karciny i pradmiety»;
«karciny ŁHBT-tematyki»;
«pradmiety i prystasavańni, jakija vykarystoŭvajucca dla hvałtu nad ludźmi»;
«bareljefy ź fihurami ludziej, jakija adčuvajuć bol i pakuty, u nienaturalnych pozach» i h. d.
Da taho ž u siadzibie, pieražyvaje Bondarava, «adsutničaje mahčymaść aznajamleńnia ź sielskahaspadarčymi abjektami, nacyjanalnymi tradycyjami hetaj miascovaści».
Taksama, pavodle žančyny, ekskursavod «daje skažonuju traktoŭku Biblii». Jana źviartaje ŭvahu, što nieviadoma, ci ŭzhodniena prahrama ekskursii ź Ministerstvam sportu i turyzmu i ci jość atestacyja ŭ ekskursavoda.
«Składvajecca ŭražańnie, što ŭładalniki ahrasiadziby «Litoŭka» metanakiravana pravodziać destruktyŭnuju pracu dziela razbureńnia dziciačaj i padletkavaj psichiki», — napisała Bondarava.
Jana paprasiła pravieści pravierku dziejnaści ŭłaśnikaŭ ahraekasiadziby, ci adpaviadaje jana zakanadaŭstvu, pryciahnuć vinavatych da adkaznaści i zakryć jaje.
«Litoŭka» — unikalnaja siadziba ŭ Navahrudskim rajonie. Adzin z samych mistyčnych chutaroŭ u Biełarusi, jaki vabić svajoj zahadkavaściu. Na terytoryi siadziby raźmiaścili fantazijnyja skulptury. Jaje pabudavaŭ pradprymalnik Siarhiej Koval, jaki ŭ 2019 hodzie pajšoŭ z žyćcia. Zakinutuju viosku pad Navahrudkam biznesoviec pieratvaryŭ u kazačnaje miesca.
Na froncie zahinuŭ syn eks-kandydata ŭ prezidenty Dźmitryja Usa. Ivan vajavaŭ za Rasiju6
Na froncie zahinuŭ syn eks-kandydata ŭ prezidenty Dźmitryja Usa. Ivan vajavaŭ za Rasiju
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1919
Kamientary