U Minsku zatrymali kuchara — za aktyŭnaść u telehramie. Raspaviadajem, što mahło jaho vydać i jak možna było b abaranicca
Vyhladaje, što znajšli mužčynu praz telehram-akaŭnt.
Andreju Kaśpiaroviču 31 hod. Jon rodam z Babrujska, ciapier žyvie ŭ Minsku. Mužčyna doŭhi čas pracuje kucharam — pra jaho navat byli publikacyi ŭ miascovaj babrujskaj presie. Kali vieryć jahonym sacsietkam, jon taksama paśpieŭ papracavać u niekalkich restaranach u Minsku.
Adšukać mužčynu mahli dvuma sposabami. Pa-pieršaje, jahony telehram-akaŭnt byŭ zarehistravany na jahony ŭłasny numar, a taksama akaŭnt možna było znajści pa hetym numary. Pa-druhoje, akaŭnt stary i niekali jon nazyvaŭsia sapraŭdnym imiem i proźviščam Andreja. A adzin z varyjantaŭ utrymlivaŭ imia i hod naradžeńnia. Takaja kanfihuracyja dazvalaje znajści čałavieka navat paśla vydaleńnia akaŭnta.
Mužčynu zakidajuć kamientary ŭ telehramie, a taksama toje, što jon adnojčy niešta pisaŭ u bot kanała «Biełaruś hałaŭnoha mozha» (pierapiska nie demanstrujecca — mahčyma, jana była vydalenaja, ale bot zastaŭsia ŭ «čornym śpisie» abo pošuku). Jaho vinavaciać taksama va ŭdziele ŭ dvuch maršach. Imavierna, ciapier na jaho zaviedziena kryminalnaja sprava.
Jak my pisali raniej, kali vy ŭžo pakinuli kamientary ź nieabaronienaha akaŭnta, vydaleńnie akaŭnta moža nie vyratavać. Raspaviadajem, što možna pasprabavać zrabić u takim vypadku, kab minimizavać ryzyku.
- Vyčyścić kamientary (z dapamohaj admysłovaha bota), vydalić akaŭnt i pierastvaryć jaho nanova. Pažadana — na virtualny numar.
- Pačyścić fota sa smartfona, Google Photos i iCloud, kab prybrać fota z maršaŭ.
- Pakłapacicca pra astatnija svaje sacsietki i miesiendžary: Viber, Whatsapp, Telegram, Instagram, Facebook, VK i «Adnakłaśniki» (asobna — łajki).
- Pačyścić vaš akaŭnt u Google (i Google Play), a taksama YouTube, kali tam mahło zachavacca niešta «kramolnaje».
- Padumajcie, dzie jašče mahli być ślady vašaj «pratesnaj» dziejnaści i vyčyścicie ich.
«Naša Niva» — bastyjon biełaruščyny
PADTRYMAĆ
Biełarusam, jakija pryjeduć u Rasiju, buduć na pieršyja sutki adklučać internet6
Kamientary