Navuka i technałohii

Telegram i nie tolki — jak pravilna pačyścić miesiendžary, kab nie trapić pad represii. Padrabiazny hajd

«Naša Niva» ŭžo rabiła hajd pa tym, jak ačyścić svoj profil u Instagram. Hetym razam raźbiaromsia ź miesiendžarami Telegram, Viber i WhatsApp.

Telegram

Hety miesiendžar źjaŭlajecca samym papularnym u Biełarusi. Akramia pryvatnych čataŭ, u Telegram jość supolnyja čaty i kanały, dzie karystalniki mohuć pakidać kamientaryi, za jakija ciapier niaredka zatrymlivajuć i zavodziać kryminalnyja spravy.

Jak zaścierahčy ad niebiaśpieki svoj akaŭnt?

Pieršaje, što treba zrabić, heta zajści ŭ «Nałady»>«Pryvatnaść i biaśpieka» i abrać tam raździeł «Numar telefona», dalej nacisnuć na «Nichto». Tak vy schavajecie ad usich svoj numar. Taksama raim pazbaŭlać usich, akramia vašych kantaktaŭ, mahčymaści adšukać vas u Telegram pa numary telefona. 

Kab całkam vyklučyć mahčymaść pošuku vašaha ŭlikovaha zapisu pa numary telefona, vam treba zajści ŭ nałady smartfona i zakryć dla Telegram dostup da vašych kantaktaŭ.

Nie lišnim budzie zabaranić dadavać vas u supołki i kanały, a taksama zabaranić dadavać spasyłku na vaš profil pry pierasyłcy vašych paviedamleńniaŭ.

Razabraŭšysia z pryvatnaściu, treba zazirnuć u nałady profilu. Dla biaśpieki lepiej nie stavić na avatar ułasnaje fota, tym bolš, kali heta niejki zdymak z pratestaŭ. Bo viadomyja vypadki, kali padstavaj dla zatrymańnia byli fota z karusieli avatarak u Telegram. 

Kali vy chočacie zachavać ananimnaść, to vam dakładna nie treba padpisvać akaŭnt ułasnym imiem i proźviščam, niknejm taksama nie musić być łacinskim varyjantam proźvišča. 

Ačystka pierapiski

Nastupnaje, pra što treba pakłapacicca — pryvatnaja pierapiska, jakaja ŭ telehramie vydalajecca chutka i prosta, asabliva, kali rabić heta z PK. Dla hetaha treba abrać čat, nacisnuć na jaho pravaj kłavišaj myšy i abrać varyjant «Ačyścić historyju». Dla taho, kab historyja pierapiski źnikła z abodvuch bakoŭ, treba dadatkova nacisnuć na «Taksama vydalić dla …» (imia surazmoŭcy).

Paśla vydaleńnia historyi pierapiski možna vydalić i sam čat, heta taksama lepš za ŭsie rabić dla abodvuch bakoŭ. 

Z vydaleńniem paviedamleńniaŭ u hrupavych čatach krychu składniej, bo chutkaja ačystka historyi pierapiski dazvolić vydalić infarmacyju tolki z vašaha akaŭnta. Dla ŭsich astatnich udzielnikaŭ čata vašy paviedamleńni zastanucca bačnymi.

Całkam vydalić usie adpraŭlenyja vami paviedamleńni možna tolki ŭručnuju, vybirajučy asobna kožnaje.

Nastupny krok — vydaleńnie kamientaryjaŭ. Kab znajści pakinutyja vami kamienty, spačatku treba zhadać, u jakich kanałach i pad jakimi pastami vy ich pakidali. I pad patrebnym pastom pierajści ŭ «Kamientaryi», nacisnuć na pošuk u vierchnim pravym kucie, paśla abrać filtracyju pa karystalnikach i ŭ radku pošuku prapisać svoj niknejm.

Jak bačym, adšukać svoj kamientaryj u Telegram vielmi składana. Na žal, tut pakul niama ŭkładki z usimi pakinutymi vami kamientaryjami.

Apošniaje, na što varta źviarnuć uvahu, — heta ačystka kešu, vydaleńnie patencyjna niebiaśpiečnaha kantentu z «Zachavanaha» i ačystka historyi pošuku. 

Viber

Pa svaim funkcyjanale Viber mocna adroźnivajecca ad Telegram, tamu asnoŭnaje, na što my źvierniem uvahu, — ačystka pierapiski. U Viber vy možacie vydalić usie paviedamleńni sa svajho akaŭnta davoli prosta i chutka. Dla hetaha vam spatrebicca pierajści ŭ patrebny čat i ŭ viersie ekrana nacisnuć na imia surazmoŭcy. Dalej vybirajem «Infarmacyja i nałady», svajpajem uhoru i vybirajem «Vydalić usie paviedamleńni», paśla čaho možam jašče i «Vydalić čat». Karystajučysia takim mietadam, vy vydalicie ŭsie paviedamleńni tolki sa svajho akaŭnta. Pry hetym usia pierapiska zachavajecca ŭ vašaha surazmoŭcy.

Całkam vydalić usiu historyju pierapiski možna tolki ŭ tym vypadku, kali toje sama zrobić i druhi karystalnik. Adnak Viber daje mahčymaść vydalać adpraŭlenyja vami paviedamleńni nie tolki ŭ vas, ale i ŭ surazmoŭcy. Dla hetaha treba ŭvajści ŭ čat, vybrać patrebnaje paviedamleńnie, nacisnuć na «Vydalić» i abrać vyryjant «Vydalić va ŭsich». Vaš surazmoŭca bolš nie budzie bačyć źmiest paviedamleńnia, ale budzie bačyć, što vy jaho vydalili.

WhatsApp

Mietodyka vydaleńnia paviedamleńniaŭ u hetym miesiendžary takaja ž, jak u Viber. Całkam ačyścić pierapisku možna tolki supolnymi namahańniami z vašym surazmoŭcam. U inšym vypadku vy možacie vydalić tolki svaje paviedamleńni, pakinuŭšy ŭ surazmoŭcy infarmacyju pra toje, što paviedamleńnie było vydalenaje.

Čytajcie taksama: Jakija mesendžary ciapier samyja papularnyja ŭ śviecie

Jak pravilna pačyścić svoj akaŭnt u Instagram, kab nie patrapić pad represii. Padrabiazny hajd

Kamientary

Ciapier čytajuć

Na BT zrabili film pra toje, jak biełarusy ledź vyžyvajuć u Jeŭropie. Kab zapisać videa, hierojaŭ žorstka padmanuli1

Na BT zrabili film pra toje, jak biełarusy ledź vyžyvajuć u Jeŭropie. Kab zapisać videa, hierojaŭ žorstka padmanuli

Usie naviny →
Usie naviny

Rasijskaha komika zatrymali ŭ Biełarusi za žarty pra ŭdzielnikaŭ SVA. Biełaruskija siłaviki paviesili na komika miasarubku12

Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»23

Turčyn: U Biełarusi nie buduć biazdumna zajmacca emisijaj hrošaj8

Bieły dom ab patrabavańni viarnuć statuju Svabody: Tolki dziakujučy ZŠA francuzy ciapier nie razmaŭlajuć pa-niamiecku15

Viadomy ajcišnik adkryŭ kampaniju ŭ Polščy. Šeść bankaŭ adchilili zajaŭku na rachunak13

«U razmovach z Trampam Pucin nasamreč kpiŭ ź jaho, ale Tramp hetaha nie razumieŭ z-za asablivaściej pierakładu»13

Čarhovy antyrekord. Źjaviłasia śviežaja statystyka pra naradžalnaść biełarusaŭ24

Jakim budzie novy histaryčny muziej Biełarusi3

«Erudziravany nie značyć razumny». Znatok «Što? Dzie? Kali» Raŭšan Askieraŭ vyklikaŭ zamiašańnie svaim intervju19

bolš čytanych navin
bolš łajkanych navin

Na BT zrabili film pra toje, jak biełarusy ledź vyžyvajuć u Jeŭropie. Kab zapisać videa, hierojaŭ žorstka padmanuli1

Na BT zrabili film pra toje, jak biełarusy ledź vyžyvajuć u Jeŭropie. Kab zapisać videa, hierojaŭ žorstka padmanuli

Hałoŭnaje
Usie naviny →

Zaŭvaha:

 

 

 

 

Zakryć Paviedamić